Borgarskákmótið fer fram á þriðjudag

Borgarskákmótið fer fram þriðjudaginn 13. ágúst, og hefst það kl. 16:00. Mótið fer fram venju samkvæmt í Ráðhúsi Reykjavíkur og standa Reykjavíkurfélögin, Taflfélag Reykjavíkur og Taflfélagið Hellir, að mótinu, eins og þau hafa gert síðustu ár. Borgarstjórinn í Reykjavík, Jón Gnarr, setur mótið og leikur fyrsta leikinn.  Gera má ráð fyrir að margir af sterkustu skákmönnum þjóðarinnar taka þátt í því. Skákmenn eru hvattir til að skrá sig sem fyrst eftir að opnað verður fyrir skráningu. Mótið er öllum opið og er þátttaka ókeypis en skráning fer fram hér á Skák.is

Einnig er hægt að skrá sig í í síma 866 0116 Vigfús og 899 9268 (Björn). Tefldar verða 7 umferðir með 7 mínútna umhugsunartíma. Þetta er í 27. sinn sem mótið fer fram og er þetta iðulega eitt best sótta skákmót hvers árs. Í fyrra sigraði Sigurbjörn Björnsson sem tefldi fyrir Verkís.

Verðlaun:

1. 15.000 kr.
2. 10.000 kr.
3. 5.000 kr.