Alþjóðlegt unglingamót Hellis hófst í Kópavogi í dag.

Alþjóðlegt unglingamót Taflfélagsins Hellis hófst í dag í Nýju stúkunni í Kópavogi.  Gunnsteinn Sigurðsson, bæjarstjóri, setti mótið og lék fyrsta leik þess.   Alls taka 22 skákmenn þátt í mótinu og þar af 6 Svíar.  Í fyrstu umferð bar það til tíðinda að Jóhanna Björg Jóhannsdóttir (1705) gerði sér lítið fyrir og sigraði Svíann Harald Torell Bergren (1983) í góðri skák.  Öllum öðrum skákum umferðarinnar lauk á þann hátt að hinir stigahærri sigruðu hina stigalægri. Oft máttu þeir stigahærri hafa nokkuð fyrir sigrinum. T.d. fengu Birkir og Dagur ágætar stöður út úr byrjuninni. Fáir komu þó meira á óvart en Brynjar Steingrímson, sem sat einbeittur við skákborðið á fimmta klukkutíma og aðeins þekkingarskortur í endatafli kom í veg fyrir að hann næði jafntefli gegn hinni sænsku Lindu Astrom.

Kópavogsbúar er fjölmennir á mótinu en íslensku keppendurnir koma víða að.  Má þar nefna einn keppenda frá Vestmannaeyjum og tvo frá Akureyri.  Önnur umferð fer fram í fyrramálið og hefst kl. 10.

Skákir mótsins má finna sem viðhengi.   Aðalstuðningsaðilar mótsins eru Skákstyrktarsjóður Kópavogs og Skáksamband Íslands.

Úrslit 1. umferðar:

Bo.	Name	Result	Name
1	Karlsson Mikael Johann	0 - 1	Olofsson-Dolk Mattis
2	Berggren Torell Harald	0 - 1	Johannsdottir Johanna Bjorg
3	Brynjarsson Eirikur Orn	0 - 1	Magnusson Patrekur Maron
4	Brynjarsson Helgi	1 - 0	Thorgeirsson Jon Kristinn
5	Sigurdarson Emil	0 - 1	Thorsteinsdottir Hallgerdur
6	Akerman Axel	1 - 0	Andrason Pall
7	Kjartansson Dagur	0 - 1	Fransson Angelina
8	Dahlstedt Frans	1 - 0	Sigurdsson Birkir Karl
9	Steingrimsson Brynjar	0 - 1	Astrom Linda
10	Sverrisson Nokkvi	1 - 0	Jonsson Robert Leo
11	Palsdottir Soley Lind	0 - 1	Stefansson Fridrik Thjalfi

Röðun 2. umferðar (föstudagur kl. 10):

Bo.	Name	Result	Name
1	Olofsson-Dolk Mattis		Fransson Angelina
2	Magnusson Patrekur Maron		Dahlstedt Frans
3	Astrom Linda		Brynjarsson Helgi
4	Thorsteinsdottir Hallgerdur		Sverrisson Nokkvi
5	Stefansson Fridrik Thjalfi		Akerman Axel
6	Johannsdottir Johanna Bjorg		Karlsson Mikael Johann
7	Kjartansson Dagur		Berggren Torell Harald
8	Sigurdsson Birkir Karl		Brynjarsson Eirikur Orn
9	Thorgeirsson Jon Kristinn		Steingrimsson Brynjar
10	Jonsson Robert Leo		Sigurdarson Emil
11	Andrason Pall		Palsdottir Soley Lind

• Heimasíða Hellis
• Myndaalbúm mótsins
• Chess-Results

Skrár tengdar þessari bloggfærslu:

• Skákir fyrstu umferðar

Páll Andrason sigraði á atkvöldi

Páll Andrason sigraði á fyrsta atkvöldi ársins sem haldið var 4. janúar sl. Páll fékk 5v í sex skákum og tryggði sigurinn með jafntefli við Jón Úlfljótsson í lokaumferðinni. Auk þess náði Elsa María jafntefli við sigurvegarann. Jafnir í öðru til þriðja sæti voru svo Jón Úlfljótsson og Sæbjörn Guðfinnsson með 4,5v.

 Lokastaðan á atkvöldinu.

1.  Páll Andrason                   5v/6

2.  Jón Úlfljótsson                  4,5v

3.  Sæbjörn Guðfinnsson        4,5v

4.  Guðmundur Kristinn Lee    4v

5.  Elsa María Kristínardóttir   3,5v

6.  Dagur Kjartansson            3,5v

7.  Vigfús Ó. Vigfússon           3,5v

8.  Björgvin Kristbergsson      3,5v

9.  Örn Leó Jóhannsson         3,5v

10. Birkir Karl Sigurðsson        3v

11. Brynjar Steingrímsson       3v

12. Kjartan Már Másson          2,5v

13. Jón Birgir Einarsson           2,5v

14. Pétur Jóhannesson            2v

15. Róbert Leó Jónsson            2v

16. Dawid Kolka                        2v

17. Hlynur Þór Gylfason            1,5v

Alþjóðlegt unglingamót Hellis hefst 7. janúar nk.

Alþjóðlegt unglingamót Hellis hefst nk. fimmtudag 7. janúar 2010. Teflt verður í Nýju stúkunni á Kópavogsvelli. Mótið verður 6 umferðir með tímamörkin 90 mínútur á skákina + 30 sekúndur á hvern leik. Dagskráin er sem hér segir:

Dagskrá:

• Fimmtudagur  7/1   Umferð 1: 19.30-24
• Föstudagur 8/1:      Umferð 2: 10-15
• Föstudagur 8/1:      Umferð 3: 17-22
• Laugardagur 9/1:    Umferð 4: 10-15
• Laugardagur 9/1:    Umferð 5: 17-22
• Sunnudagur 10/1:    Umferð 6: 9.00-14

Keppendur eru minntir á að mæta tímanlega í skákirnar. Dagskráin getur tekið smávægilegum breytingum.

Lokahóf og verðlaunaafhendin hefjast strax og síðustu skák lýkur.

Skráðir keppendur eru núna:

Mattis Dolk                               1987

Harald Berggren Torell               1983

Patrekur Maron Magnússon       1977 

Helgi Brynjarsson                      1964 

Angelina Fransson                     1877

Frans Dahlstedt                         1871

Linda Astrom                            1786

Axel Akerman 

Nökkvi Sverrisson                     1784

Friðrik Þjálfi Stefánsson             1752 

Mikael Johann Karlsson             1714

Johanna Björg Jóhannsdóttir     1705

Eiríkur Örn Brynjarsson             1653

Jón Kristinn Þorgeirsson            1647

Emil Sigurðarson                      1609

Páll Andrason                           1587

Dagur Kjartansson                   1485

Birkir Karl Sigurðsson               1446

Brynjar Steingrímsson              1437

Verðlaun í mótinu eru: 

• 1. verðlaun: 30.000 ISK
• 2^. verðlaun: 20.000 ISK
• 3. verðlaun: 10.000 ISK
• 4. verðlaun:   5.000 ISK
• 5. verðlaun:   5.000 ISK

Styrktaraðilar mótsins eru Skákstyrktarsjóður Kópavogs og Skáksamband Íslands.

 

Barna- og unglingaæfingar Hellis byrja aftur eftir jólafrí.

Barna- og unglingaæfingar Hellis hefjast aftur eftir jólafrí mánudaginn 4. janúar 2010. Taflið byrjar kl. 17:15 og fyrirkomulagið verður það sama og síðasta vetur.  Æfingarnar eru opnar öllum 15 ára og yngri. Engin þátttökugjöld.

Æfingarnar verða haldnar í félagsheimili Hellis í Álfabakka 14a, Mjódd. Inngangurinn snýr að Kópavogi og á þriðju hæð hússins fyrir ofan Þjóðdansafélagið og á móti dansskólanum. Á æfingunum verða 5 eða 6 umferðir með umhugsunartíma 10 eða 7 mínútur.

Atkvöld hjá Helli 4. janúar nk.

Taflfélagið Hellir heldur atkvöld mánudaginn  4. janúar 2010 og hefst mótið kl. 20:00. Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með tuttugu mínútna umhugsun.

Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).