Dagur Ragnarsson sigraði á atkvöldi

Dagur Ragnarsson sigraði örugglega á atkvöldi Hellis sem fram fór 3. október. Dagur fékk 5,5v í sex skákum og var með fullt hús fyrir lokaumferðina og búinn að tryggja sér sigur en leyfði jafntefli í lokaumferðinni gegn Elsu Maríu. Í öðru sæti varð Jóhanna Björg Jóhannsdóttir með 4,5v. Þriðja sætinu náði svo Jón Úlfljótsson með 4v eins og Elsa María Kristínardóttir og Stefán Pétursson en Jón var hærri á stigum.

Lokastaðan:

1.   Dagur Ragnarsson                       5,5v/6

2.   Jóhanna Björg Jóhannsdóttir       4,5v

3.   Jón Úlfljótsson                             4v

4.   Elsa María Kristínardóttir             4v

5.   Stefán Pétursson                        4v

6.   Vigfús Ó. Vigfússon                     3v

7.   Vignir Vatnar Stefánsson            2,5v

8.    Pétur Jóhannesson                    2,5v

9.    Björgvin Kristbergsson               2,5v

10.  Dawid Kolka                               2,5v

11.  Felix Steinþórsson                      1v

Atkvöld hjá Helli mánudaginn 3. október.

Taflfélagið Hellir heldur atkvöld mánudaginn 3. október nk. og hefst taflið kl. 20:00. Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með fimmtán mínútna umhugsun. Um er ræða styttingu á umhugsunartíma þannig að æfingin ætti að vera lokið um kl. 22. Teflt er í félagsheimili Hellis í Álfabakka 14a í Mjóddinni. 

Sigurvegarinn fær í verðlaun pizzu frá Dominos Pizzum. Þá verður einnig dreginn út af handahófi annar keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri)

Styrktaraðilar Hellis á EM

Taflfélagið Hellir þakkar eftirtöldum félögum og fyrirtækjum fyrir stuðninginn við för félagsins á EM.

Efling stéttarfélag

G.M Einarsson Múrarameistari

Gámaþjónustan

Guðmundur Arason ehf

Hafgæði sf

Hótel Borg

HS Orka

Íslandsbanki

Íslandsspil

Íslensk erfðagreining

Kaupfélag Skagfirðinga

Olís

Suzuki bílar

Verkís

Bolvíkingar unnu og Hellismenn töpuðu í lokaumferðinni.

Bolvíkingar unnu afar góðan sigur, 4½-1½ á sterkri spænskri sveit í lokaumferðinni.  Þröstur Þórhallsson (2388), Dagur Arngrímsson (2353) og Guðmundur Gíslason (2295) unnu en Stefán Kristjánsson (2485), Bragi Þorfinnsson (2427) og Jón Viktor Gunnarsson (2422) gerðu jafntefli.  Allir tefldu þeir sem gerðu jafntefli tefldu við andstæðinga með 2600+.  Stefán gerði jafntefli við Loek Van Wely (2689).  Hellismenn töpuðu 1-5 fyrir ofursveitinni Ugra.  Hannes Hlífar Stefánsson (2562) gerði jafntefli við Dmitry Jakovenko (2716) og Sigurbjörn Björnsson (2349) gerði jafntefli við Aleksey Dreev (2711) og krækti sér í áfanga að alþjóðlegum meistaratitli eins og áður hefur komið fram. 

Frammistaða beggja liða var góð.   Bolvíkingar fengu 9 stig og 21½ vinning og enduðu í 14. sæti, efstir liða Norðurlanda.  Hellismenn fengu 8 stig og 20 vinninga og enduðu í 25. sæti.

Rússneska sveitin Saint-Petersburg sigraði á mótinu með 13 stig. 

Úrslit íslensku sveitanna:

 

7.6	29	Hellir Chess Club		1 - 5	6	Ugra
1	GM	Stefansson Hannes	2562	½:½	GM	Jakovenko Dmitry	2716
2	IM	Thorfinnsson Bjorn	2412	0 : 1	GM	Rublevsky Sergei	2681
3	FM	Gretarsson Hjorvar Steinn	2442	0 : 1	GM	Malakhov Vladimir	2710
4	FM	Bjornsson Sigurbjorn	2349	½:½	GM	Dreev Aleksey	2711
5	FM	Lagerman Robert	2325	0 : 1	GM	Zhigalko Sergei	2696
6		Kristinsson Bjarni Jens	2033	0 : 1	GM	Sjugirov Sanan	2627

 

 

7.10	13	Gros Xake Taldea		1½ - 4½	26	Bolungarvik Chess Club
1	GM	Van Wely Loek	2689	½:½	IM	Kristjansson Stefan	2485
2	GM	Bauer Christian	2631	½:½	IM	Thorfinnsson Bragi	2427
3	GM	Hamdouchi Hicham	2610	½:½	IM	Gunnarsson Jon Viktor	2422
4	IM	Franco Alonso Alejandro	2469	0 : 1	GM	Thorhallsson Throstur	2388
5	IM	Gonzalez De La Torre Santiago	2445	0 : 1	IM	Arngrimsson Dagur	2353
6	FM	Martin Alvarez Inigo	2316	0 : 1		Gislason Gudmundur	2295

Sigurbjörn með AM áfanga eftir jafntefli við Dreev

Sigurbjörn Björnsson (2349) náði öruggu jafntefli gegn Alexei Dreev (2711) með svörtu í lokaumferð EM taflfélaga sem fram fór í dag.  Með jafntefli tryggði Sigurbjörn sér sinn fyrsta áfanga að alþjóðlegum meistaratitli en hann hlaut 4 vinninga í sjö skákum.   

Í öðrum viðureignum gerði Hannes Hlífar Stefánsson (2562) jafntefli við Dmitry Jakovenko (2716) á fyrsta borði, Bjarni Jens Kristinsson tapaði á sjötta borði.  Björn, Hjörvar, og Róbert sitja enn að tafli  og hafa allir tapað tafl.