Atskákmót Reykjavíkur og atskákmót Hellis, mánudaginn 30. nóvember.

 Atskákmót Reykjavíkur sem jafnframt er atskákmót Hellis fer fram mánudaginn 30. nóvember.  Mótið fer fram í félagsheimili Hellis, Álfabakka 14a í Mjódd. Tefldar verða 6 umferðir með Monrad-kerfi og hefur hvor keppandi 15 mínútur á skák. Mótið hefst kl. 19:30.

Verði tveir jafnir í baráttunni um annanhvorn titilinn verður teflt tveggja skáka hraðskákeinvígi. Verði jafnt að því loknu verður tefldur hraðskákbráðabani. Verði fleiri en tveir jafnir verður tefld einföld umferð, hraðskák. Verði enn jafnt, þá bráðabani.  

Núverandi atskákmeistari Reykjavíkur og atskákmeistari Hellis er Davíð Ólafsson.

Verðlaun:

1. 10.000

2. 5.000 

3. 3.000

 Þátttökugjöld:

16 ára og eldri: 800 kr

15 ára og yngri: 400

Dagur unglingameistari Hellis, Hildur stúlknameistari en Páll sigraði á mótinu.

Páll Andrason sigraði á unglingameistarmóti Hellis 2009 með 6,5v í 7 skákum. Páll var vel sigrinum kominn og tefldi í það heila vel á mótinu, þótt hann verið nokkuð gæfusamur í skákunum í fimmtu og sjöttu umferð gegn Erni Leó og Guðmundi Kristni, enda er það yfirleitt nauðsynlegt til að sigra í jöfnu móti eins og unglingameistaramót Hellis var að þessu sinni. Jafnir í öðru til þriðja sæti voru Oliver Aron Jóhannesson og Dagur Kjartansson með 5,5 en Oliver hafði annað sætið á stigum. Frammistaða Olivers kom nokkuð á óvart en hann virðist vera í töluverðri framför um þessar mundir. Með þriðja sætinu varð Dagur unglingameistari Hellis í fyrsta sinn sem efsti Hellismaðurinn á mótinu. Dagur landaði titlinum með öruggu jafntefli við sinn helsta keppinaut Guðmund Kristinn í lokaumferðinni.

Efstir 12 ára og yngri voru Þröstur Smári Kristjánsson og Róbert Leó Jónsson með 4 en Þröstur var ofar á stigum. Þriðji varð svo Gauti Páll Jónsson með 3,5v. Stúlknameistari Hellis varð Hildur Berglind Jóhannsdóttir með hálfum vinningi meira en Ásta Sonja Ólafsdóttir.

Lokastaðan á unglingameistaramóti Hellis:

1.   Páll Andrason                            6,5v/7

2.   Oliver Aron Jóhannesson           5,5v (32 stig)

3.   Dagur Kjartansson                     5,5v    (29,5 stig)

4.   Guðmundur Kristinn Lee             5v

5.   Jóhann Bernhard Jóhannsson    5v

6.   Birkir Karl Sigurðsson                  4,5v

7.   Örn Leó Jóhannsson                   4,5v

8.   Emil Sigurðarson                         4v

9.   Þröstur Smári Kristjánsson         4v  (27,5 stig)

10. Brynjar Steingrímsson                4v

11. Róbert Leó Jónsson                    4v  (24 stig)

12. Pétur Olgeir Gestsson                 4v

13. Franco Soto                                 3,5v

14. Gauti Páll Jónsson                       3,5v

15. Björn Leví Óskarsson                  3v

16. Dawid Kolka                                3v

17. Heimir Páll Ragnarsson                3v

18. Elías Lúðvíksson                           3v

19. Jóhannes Guðmundsson              3v

20. Hildur Berglind Jóhannsdóttir       2,5v

21. Donika Kolica                               2v

22. Ásta Sonja Ólafsdóttir                  2v

23. Veronika Steinunn Magnúsdóttir  2v

24. Kristens Andri Hjálmarsson          1v

25. Ragnar Kristinsson                       1v

Sæbjörn sigraði á atkvöldi.

Sæbjörn Guðfinnsson lagði alla andstæðinga sína á atkvöldi Hellis sem fram fór 23. nóvember sl. og sigraði með 6v. Annar varð Vigfús Ó. Vigfússon með 5v og jafnir í 3. og 4. sæti voru Magnús Sigurjónsson og Örn Stefánsson með 4v. Þáttakendur frá skákfélaginu Vin fjölmenntu og settu svip sinn á mótið. Einn þeirra Stefán Gauti Bjarnason hreppti svo gjafabréf frá Dominos í happadrættinu í lokin.

Lokastaðan:

1.  Sæbjörn Guðfinnsson      6v

2.  Vigfús Ó. Vigfússon         5v

3.  Magnús Sigurjónsson      4v

4.  Örn Stefánsson               4v

5.  Björgvin Kristbergsson    3v

6.  Jón Birgir Einarsson         3v

7.  Róbert Leó Jónsson        3v

8.  Arnar Valgeirsson            3v

9.  Pétur Jóhannesson          3v

10. Embla Dís Ásgeirsdóttir   3v

11. Tara Sóley Mobee          2v

12.  Stefán Gauti Bjarnason  2v

13.  Ásdís Sóley Jónsdóttir    1v

Páll Andrason efstur á unglingameistarmóti Hellis eftir fyrri hlutann.

Páll Andrason er efstur á unglingameistarmóti Hellis eftir fyrri hlutann sem fram fór í gær mánudaginn 23. nóvember. Páll hefur unnið allar skákirnar og er með 4v. Annar er Örn Leó Jóhannsson með 3,5v og síðan koma fimm jafnir í með 3v en það eru: Oliver Aron, Birkir Karl, Dagur Kjartansson, Emil, Guðmundur Kristinn og Þröstur Smári. Seinni hlutinn fer svo fram í dag þriðjudaginn 24. nóvember og hefst kl. 16.30.

Staðan eftir fyrri hlutann:

1.   Páll Andrason                        4v

2.   Örn Leó Jóhannsson              3,5v

3.   Oliver Jóhannesson                3v

4.   Birkir Karl Sigurðsson              3v

5.   Dagur Kjartansson                  3v

6.   Emil Sigurðarson                     3v

7.   Guðmundur Kristinn Lee          3v

8.   Þröstur Smári Kristjánsson      3v

9.   Franco Soto                           2,5v

10. Jóhann Bernhard Jóhannsson  2v

11. Pétur Olgeir Gestsson              2v

12. Hildur Berglind Jóhannsdóttir    2v

13. Brynjar Steingrímsson              2v

14. Gauti Páll Jónsson                    2v

15.  Róbert Leó Jónsson                2v

16.  Heimir Páll Ragnarsson            2v

17.  Ragnar Kristinsson                  2v

18.  Ásta Sonja Ólafsdóttir             2v

19.  Donika Kolica                          1v

20.  Björn Leví Óskarsson              1v

21.  Dawid Kolka                            1v

22.  Elías Lúðvíksson                      1v

23.  Verónika Steinunn Magnúsd.    1v

24.  Jóhannes Guðmundsson          1v

25.  Kristens Andri Hjálmarsson       0v

Í fimmtu umferð tefla saman:

1. Páll - Örn Leó

2. Dagur - Emil

3. Þröstu Smári - Guðmundur Kristinn

4. Birkir Karl - Oliver Aron

5. Pétur Olgeir - Franco Soto

6. Brynjar - Ragnar

7. Hildur Berglind - Gauti Páll

8. Heimir Páll - Jóhann Bernhard

9. Róbert Leó - Ásta Sonja

10. Verónika Steinunn - Jóhannes

11. Björn Leví - Donika

12. Elías - Dawid

13. Kristens Andri - skotta

Unglingameistaramót Hellis 2009

Unglingameistaramót Hellis 2009 hefst mánudaginn 23. nóvember nk. kl. 16.30, þ.e. nokkru fyrr en venjulegar mánudagsæfingar. Mótinu verður svo fram haldið þriðjudaginn 24. nóvember nk. kl. 16.30. Tefldar verða 7 umferðir eftir Monrad kerfi. Fyrri keppnisdaginn verða fjórar skákir og þrjár þann seinni. Umhugsunartími á hverja skák er 20 mínútur. Mótið er opið öllum 15 ára og yngri en titilinn sjálfan getur aðeins félagsmaður í Helli unnið. Meðan á mótinu stendur falla venjulegar barna og unglingaæfingar niður. Næsta barna- og unglingaæfing verður mánudaginn 30. nóvember nk. Keppnisstaður er Álfabakki 14a og salur félagsins á þriðju hæð. Engin þátttökugjöld.

Verðlaunagripir  verða fyrir þrjú efstu sætin. Allir þátttakendur fá skákbók. Að auki verður dregin út ein pizza frá Dominós.

Umferðatafla:

1.-4. umferð:    Mánudaginn 23. nóvember kl. 16.30.

5.-7. umferð:    Þriðjudaginn 24. nóvember kl. 16.30.

Verðlaun:

1.   Unglingameistari Hellis fær farandbikar til varðveislu í eitt ár.

2.   Þrír efstu fá verðlaunagripi til eignar.

3.   Allir keppendur fá skákbók.

4.   Þrír efstu 12 ára og yngri fá verðlaunapening.

5.   Stúlknameistari Hellis fær verðlaunagrip.

6.   Dregin verður út ein pizza frá Dominos.

Rétt er að minna keppendur á að slökkva á farsímum sínum meðan á mótinu stendur því í þessu móti verður umhugsunartíminn minnkaður um helming ef síminn hringir hjá keppanda meðan á skák stendur.