Þriðja alþjóðlega unglingamót Hellis fer fram 7. - 10. janúar nk.

Taflfélagið Hellir stendur fyrir alþjóðlegu unglingamóti dagana 7.-10. janúar 2010. Teflt verður í Nýju stúkunni á Kópavogsvelli. Áætlað er að um 22-26 skákmenn taki þátt og þar af koma 6 sænskir unglingar og börn og taka þátt í mótinu.  Rétt til þátttöku í mótinu eiga þeir sem fæddir eru 1992 og síðar og eru með alþjóðleg skákstig. Einnig verður heimilaður takmarkaður fjöldi stigalausra skákmanna og er þátttaka þeirra háð samþykki mótsstjórnar.

Verðlaun í mótinu eru:

• 1. verðlaun: 30.000 ISK
• 2^. verðlaun: 20.000 ISK
• 3. verðlaun: 10.000 ISK
• 4. verðlaun:   5.000 ISK
• 5. verðlaun:   5.000 ISK

Þátttökugjöld:

Félagsmenn í Helli:

• Með alþjóðleg eða íslensk skákstig yfir 1500:  2.000 kr.
• Með alþjóðleg eða íslensk skákstig undir 1500: 3.000

Aðrir:

• Með alþjóðleg eða íslensk skákstig yfir 1500:  3.000 kr. 
• Með alþjóðleg eða íslensk skákstig undir 1500: 5.000 kr.

Þátttöku þarf að tilkynna fyrir 31. desember nk.  í síma 866 0116 (Vigfús) eða með tölvupósti: [e-mail]. Fyrir sama tíma þarf að standa skil á þátttökugjöldum með greiðslu inn á bankareikning 0319-26-845, kt. 470792-2489. Taka fram í skýringum fyrir hvern er verið að greiða og senda kvittun á [e-mail] 

Mótið verður 6 umferðir með tímamörkin 90 mínútur á skákina + 30 sekúndur á hvern leik. Dagskráin er sem hér segir:

Dagskrá:

• Fimmtudagur  7/1   Umferð 1: 19.30-24
• Föstudagur 8/1:      Umferð 2: 10-15
• Föstudagur 8/1:      Umferð 3: 17-22
• Laugardagur 9/1:    Umferð 4: 10-15
• Laugardagur 9/1:    Umferð 5: 17-22
• Sunnudagur 10/1:    Umferð 6: 9.00-14

Dagskráin getur tekið smávægilegum breytingum.

Lokahóf og verðlaunaafhendin hefjast strax og síðustu skák lýkur.

Styrktaraðilar mótsins eru Skákstyrktarsjóður Kópavogs og Skáksamband Íslands.

Metþátttaka á jólapakkamóti Hellis

Metþátttaka var á Jólapakkamóti Hellis sem fram fór í Ráðhúsi Reykjavíkur í gær.  Alls tóku um 270 unglingar þátt í mjög vel heppnuðu móti en mest höfðu áður um 230 skákmenn tekið þátt.   Júlíus Vífill Ingvarsson, borgarfulltrúi og formaður Skákakademíu Reykjavíkur setti mótið og lék fyrsta leik þess.  

 Sigurvegarmótsins voru margir og í sumum einstaka flokkum voru allt að fjórir skákmenn efstir.  Í elsta flokki (1994-96) urðu Friðrik Þjálfi Stefánsson og Emil Sigurðarson efstir drengja og Hrund Hauksdóttir efst stúlkna, í næstelsta flokki (1997-98) urðu Baldur Búi Hermannsson, Óliver Aron Jóhannesson, Jón Trausti Harðarson og Dagur Ragnarsson efstir drengja en Donica Kolica, Ásta Sóley Júlíusdóttir og Tara Sóley Mobee efstar stúlkna, í næstyngsta flokki (1999-2000) varð Róbert Leó Jónsson efstur drengja en Hildur Berglind Jóhannsdóttir efst stúlkna og í yngsta flokki (2001 og síðar) urðu Heimir Páll Ragnarsson, Vignir Vatnar Stefánsson og Hákon Rafn Valdimarsson efstir drengja en Nansý Davíðsdóttir og Jóhanna Vigdís Guðjónsdóttir efstar stúlkna.  Svo var tefld peðaskák fyrir þá yngstu.  Þar varð Sylvía Ósk Wender efst stúlkna en Kolbeinn Ingi Jónsson efstur drengja.

Afar góð stemming myndaðist á mótinu.  Skákskóli Íslands kynnti starfsemi sína, Sigurbjörn Björnsson var með bóksölu og Skákakademíubræðurnir Björn Þorfinnsson og Stefán Bergsson kynntu starfsemi akademíunnar og taflfélaganna í borginni með dreifbréfum auk þess að fara á kostum við verðlaunaafhendingu mótsins.

Fjöldi barna fékk jólapakka bæði í verðlaun og happdrætti.   Allir keppendur voru svo leystir út með nammipoka frá Góu.   

Mestan heiðurinn á vel heppnuðu og skipulögðu móti eiga formaður og varaformaður Hellis, Vigfús Ó. Vigfússon og Edda Sveinsdóttir.   Aðrir starfsmenn mótsins voru Ólafur Þór Davíðsson, Rúnar Berg, Páll Sigurðsson, Paul Frigge, Gunnar Björnsson, Davíð Ólafsson, Omar Salama, Lenka Ptácníková, Hallgerður Helga Þorsteinsdóttir, Jóhanna Björg Jóhannsdóttir, Björn Þorfinnsson, Stefán Bergsson og Róbert Lagerman (vonandi að enginn gleymist).

Flestir keppendur komu úr Snælandsskóla og Ísaksskóla eða 18 talsins.  17 krakkar komu Hjallaskóla og Melaskóla.  Nánari tölfræði er að finna neðst í fréttinni.  

Keppendur voru allt frá 4 ára og upp í menntaskólanemendur.   Sá yngsti, varð aðeins 4ja ára tvemur dögum fyrir mót!

Eftirfarandi aðilar gáfu gjafirnar:

• Max
• Heimilistæki
• Jói Útherji
• Penninn-Eymundsson
• Skákakademía Reykjavíkur
• Skákskóli Íslands
• Bjartur útgáfa
• Edda útgáfa
• Góa
• ÍR-Jujitsu
• Sam-félagið
• Landsbankinn
• Puma
• Speedo

Einnig styrktu eftirfarandi aðilar við mótshaldið:

• Bakarameistarinn í Suðurveri
• Body Shop 
• Fröken Júlía verslun 
• Garðabær 
• Gámaþjónustan
• GM Múrarameistari 
• Hitaveita Suðurnesja 
• Íslandsspil 
• Íþrótta og tómstundaráð Rvk
• Kaffi París 
• Kaupfélag Skagfirðinga 
• Kópavogsbær
• MP Banki
• Olís 
• Sorpa
• Suzuki bílar 
• Talnakönnun

Jóhann Bernhard efstur á æfingu

Jóhann Bernhard Jóhannsson sigraði örugglega með 5v í jafn mörgum skákum á siðustu æfingu fyrir jólafrí sem haldin var 14. desember sl. Annar varð Friðrik Daði Smárason með 4v og í fyrsta skipti í verðlaunasæti á þessum æfingum. Þriðja sætinu náði svo Róbert Leó Jónsson með 3v eftir nokkurn stigaútreikning. Næsta æfing verður svo 4. janúar nk.

Eftirtaldir tóku þátt í æfingunni: Jóhann Bernhard Jóhannsson, Friðrik Daði Smárason, Róbert Leó Jónsson, Brynjar Steingrímsson, Dawid Kolka, Sigurður Kjartansson, Gauti Páll Jónsson, Vignir Vatnar Stefánsson, Aron Pétur Árnason, Ardit Bakic, Donika Kolica, Jóhannes Guðmundsson og Heimir Páll Ragnarsson.

Alþjóðlegt unglingamót Hellis fer fram í byrjun janúar.

Taflfélagið Hellir mun halda alþjóðlegt unglingamót dagana 7.-11. janúar 2010. Teflt verður í Nýju stúkunni á Kópavogsvelli. Þátttakendur eru fæddir 1992 og síðar. Von er á 6 erlendum keppendum frá Svíþjóð og eru þeir á stigabilinu 1700-2050. Stefnt er að því að innlendir keppendur verð u.þ.b. 16-20. Markmið mótsins er að gefa ungum skákmönnum tækifæri til að tefla saman og við jafnaldra sína frá öðrum löndum og kynnast. Erlendu keppendurnir fá tækifæri til að koma til Íslands, tefla nokkrar skákir og sumir þeirra nota tækifærið og skoða sig um í leiðinni.

Mótið verður 6 umferðir með tímamörkin 90 mínútur á skákina + 30 sekúndur á hvern leik. Dagskráin er sem hér segir:

Dagskrá:

Fimmtudagur  7/1   Umferð 1: 19.30-24

Föstudagur 8/1:      Umferð 2: 10-15

Föstudagur 8/1:      Umferð 3: 17-22

Laugardagur 9/1:    Umferð 4: 10-15

Laugardagur 9/1:    Umferð 5: 17-22

Sunnudagur 10/1:    Umferð 6: 9.30-14

Dagskráin getur tekið smávægilegum breytingum. Mótið verður nánar kynnt fljótlega. Styrktaraðilar mótsins er Skákstyrktarsjóður Kópavogs og Skáksamband Íslands.

Jólapakkaskákmót Hellis fer fram á laugardag

Jólapakkamót Hellis verður haldið laugardaginn 19. desember nk. í Ráðhúsi Reykjavíkur. Mótið hefst kl. 13 og er ókeypis á mótið.  

Keppt verður í allt að 5 flokkum: Flokki fæddra 1994-1996, flokki fæddra 1997-98, flokki fæddra 1999-2000 og flokki fæddra 2001 og síðar og peðaskák fyrir þau yngstu. Tefldar verða 5 umferðir með 10 mínútna umhugsunartíma á mann. Jólapakkar eru í verðlaun fyrir 3 efstu sætin í hverjum aldursflokki fyrir sig fyrir bæði drengi og stúlkur. Auk þess verður happdrætti um 3 jólapakka í hverjum aldursflokki fyrir sig. 

Júlíus Vífill Ingvarsson, formaður menntamálaráðs og formaður Skákakademíu Reykjavíkur, setur mótið og leikur fyrsta leik þess.   

Skráning er í gangi hérna á heimasíðu Hellis. Hægt er að nálgast upplýsingar um skráða keppendur hér en nú þegar eru 134 keppendur skráðir til leiks.