Meistaramótið hafið!

Meistaramót Hellis er hafið og hófst í gær.  Oft hafa fleiri skákmenn en tekið þátt en alls taka 15 skákmenn þátt.   Meðal keppenda er stórmeistarinn Henrik Danielsen.  Það er í fyrsta sem stórmeistari tekur þátt en reyndar tók Þröstur Þórhallsson þátt hér í denn, þá reyndar ekki stórmeistari.

Þátttakan er léleg að þessu sinni.  Reyndar er þátttakan alltaf fremur léleg þau ár sem Reykjavíkurskákmótið fer fram en er samt óvenju slöpp þetta ár.  Ýmsar aðrar ástæður má einnig nefna eins og NM í skólaskák og sjálfsagt hefur unglingamótið dregið úr þátttöku. 

E.t.v. er það umhugsunarefni fyrir félagið að vera ekki svona íhaldssamt á form mótsins.  Skynsamlegt gæti verið að breyta mótinu í helgarmót öðru hverju eða þá flytja á annan tíma. 

Að öðru leyti vísa ég á fréttaflutning á Skák.is og tenglasafn hér á vinstri hluta síðunnar.  Þar er að finna úrslit, skákir, stöður og fleira.  

Meistaramót Hellis!

Meistaramót Hellis 2008 hefst mánudaginn 11. febrúar klukkan 19:00. Mótið er 7 umferða opið kappskákmót sem lýkur 25. febrúar.   Vegleg og fjölbreytt verðlaun eru í boði. Umhugsunartíminn verður 1½ klst. á skákina auk hálfrar mínútu á hvern leik. Mótið er öllum opið og er reiknað til alþjóðlegra skákstiga.  Skráning fer fram á Hellir.com.  

Teflt er á mánu-, miðviku- og föstudögum.  Umferðir hefjast kl. 19:00. 

Núverandi skákmeistari Hellis er Björn Þorfinnsson en hann er langsælastur allra með sjö meistaratila. 

Skráning:

• Heimasíða: www.hellir.com
• Netfang: [e-mail]
• Sími: 866 0116 (Vigfús eða símsvari)
• Skráning á mótsstað til 18:45

Aðalverðlaun:

1. 35.000
2. 25.000
3. 20.000

Aukaverðlaun:

• Skákmeistari Hellis: Gold Chess Package: Chess Assistant 9.1 Professional, Rybka 2.3.2a
  UCI (multi-processor version, 32 & 64-bit versions) with Chess Openings 2007.
• Besti árangur undir 2200 skákstigum: Silver Chess Package: Chess Assistant 9.1 Professional, Rybka 2.3.2a
  UCI (single-processor version, 32 & 64-bit versions) with Chess Openings 2007.
• Besti árangur undir 2000 skákstigum: Rybka 2.3 UCI Multi-processor version, 32 & 64-bit versions.
• Besti árangur undir 1800 skákstigum: 5.000-
• Besti árangur undir 1600 skákstigum: 5.000-
• Besti árangur stigalausra: Skákklukka eða taflsett
• Unglingaverðlaun (15 ára og yngri): Vegleg bókaverðlaun
• Kvennaverðlaun: Þrenn vegleg bókaverðlaun

Hver keppandi hefur aðeins rétt á einum aukaverðlaunum. Stig verða látin ráða um aukaverðlaun verði skákmenn jafnir í verðlaunasætum.

Þátttökugjöld:

• Félagsmenn kr. 2.500-; Aðrir 3.000-
• Unglingar 15 ára og yngri: Félagsmenn: 2.000; Aðrir 2.500.

Umferðartafla: 

• 1. umferð, mánudaginn,11. febrúar, kl. 19:00
• 2. umferð, miðvikudaginn, 13. febrúar, kl. 19:00
• 3. umferð, föstudaginn, 15. febrúar, kl. 19:00
• 4. umferð, mánudaginn, 18. febrúar, kl. 19:00
• 5. umferð, miðvikudaginn, 20. febrúar, kl. 19:00
• 6. umferð, föstudaginn, 22. febrúar, kl. 19:00
• 7. umferð, mánudaginn, 25. febrúar, kl. 19:00

• Heimasíða Hellis
• Bloggsíða Hellis

Lokauppgjör unglingamótsins

Í gær lauk alþjóðlegu unglingamóti Hellis.  Við sem stóðum að mótinu erum ákafleg stolt með mótið sem að öllu leyti gekk mjög vel.   Eins og áður hefur komið fram tóku 28 skákmenn frá fimm löndum þátt auk þess sem íslensku skákmennirnir komu víða að.   Það var líka nokkuð skemmtilegt að  sigurvegararnir komu frá öllum þátttökulöndunum nema Skotlandi en skoski keppandi sem heitir Andrew McClament er reyndar aðeins 12 ára.  Með honum í fylgd var hinn danskættaði skoski stórmeistari Jacob Aagard.

Fyrir síðustu umferðina voru Sverrir Þorgeirsson og Svíinn Jacob Aperia efstir.  Skákinni lauk með jafntefli.  Því var snemma ljóst að Sverrir var öruggur um skipt efsta sætið en spurning hversu margir yrðu jafnir honum að vinningum.  Helgi Brynjarsson hafði möguleika en tókst ekki að knésetja Patrek og varð í 5.-6. sæti ásamt Bjarna Jens.   Bæði Sverrir og Helgi var taplausir á mótinu.

Íslendingarnir stóðu sig vel en Patrekur Maron hækkar 31 stig fyrir frammistöðu sína, Jóhanna Björg um 26 stig, Helgi um 23 stig og Bjarni Jens um 12 stig.

Rétt er einnig að benda á þá sem ekki höfðu alþjóðleg stig fyrir mót.  Af þeim stóð Geirþrúður Anna áberandi best en árangur hennar samsvaraði 1808 stigum.  Næstur er Páll Andrason með 1698 skákstig, Nökkvi Sverrisson upp á 1620 stig, og Akureyringurinn ungi Mikeal Jóhann Karlsson með árangurinn upp á 1608 kákstig.  Allt skákmenn sem birtast fljótlega á stigalista FIDE, jafnvel nú í apríl.

Erlendu keppendurnir voru ánægðir með mótið.  Ég held að mót eins og þetta eigi að halda oftar og sjálfur vona ég að við Hellismenn getum staðið fyrir slíku mótahaldi u.þ.b. annað hvert ár.  Reyndar er þetta aðeins annað alþjóðlega unglingamótið sem haldið hefur verið hérlendis en Hellir stóð fyrir slíku mótið árið 2004 þar sem Atli Freyr Kristjánsson sigraði. 

Edda Sveinsdóttir, móðir Jóhönnu Bjargar og Hildar Berglindar, og Hjördís Björk, móðir Hjörvars Steins, voru veitingarstjórar og óhætt er að segja þær hafi slegið í gegn.  Meira að segja Húnsvöfflurnar frægu féllu í skuggann.    Bæði var boðið upp á djúsí hnallþórukökur en hámarki náðu veitingarnar í lokaumferðinni þegar boðið var upp á ljúffengar bollur!  Einnig voru bakaðar vöfflur og sem formaður tel ég best að tjá mig ekki um hvorar vöfflurnar voru betri.

Að minnsta kosti féllu Eddu/Hjördísar vöfflurnar í góðan farveg því fylgdarmaður Þjóðverjans var það hrifinn að hann bað Eddu sérstaklega um uppskriftina.  Birni til varnar þá er rétt að taka fram að Þjóðverjinn hefur aldrei smakkað Húnsvöfflur.  (ok, ég er alveg búinn að missa mig í bulli )  

Að öðrum ólöstuðum á þó Vigfús Ó. Vigfússon meginheiðurinn að mótinu.  Hann sá um að fá keppendur til landsins og flest önnur framkvæmdaratriði auk þess að standa vaktina á skákstað nánast alla helgina. 

Aðalstyrktaraðli mótsins var Reykjavíkurborg.  Auk þess styrktu bæði Kópavogskaupstaður og Skáksamband Íslands myndarlega við mótshaldið.   Skákskóli Íslands fær jú sérstakar þakkir fyrir að ljá okkur skáksalinn.

Fyrir hönd Hellis vil ég þakka ofangreindum aðilum fyrir að gera þetta mót mögulegt.  Sérstakar þakkir fá þó keppendurnir sjálfur fyrir að tefla vel og skemmtilega!

Sverri, Helga og Bjarna og öðrum keppendum óska ég til hamingju með árangurinn!

Tengla á úrslit, myndir, skákir og fleira má finna á vinstri hluta síðunnar.   

Vonast til að sjá sem flesta á Meistaramóti Hellis sem hefst 11. febrúar.  Skráningarform komið á http://www.hellir.com/.

Gunnar Björnsson

Sverrir í 1.-4. sæti!

Sjá nánar frétt á Skák.is. 

Skákir mótsins má finna hér. 

Skákir mótsins skýrðar með aðstoð Rybku má finna hér. 

Myndir má finna hér. 

Úrslit, stigaútreikna o.þ.h. má finna á Chess-Results. 

Nýr pistill um mótið væntanlegur á morgun þar sem vefstjóri ætlar snemma í háttinn.

 Von er á fleiri myndum t.d. frá verðlaunaafhendingunni á morgun.  

Sverrrir í 1.-2 sæti

Sjá nánar frétt á Skák.is. 

Skákir mótsins má finna hér. 

Skákir mótsins skýrðar með aðstoð Rybku má finna hér. 

Myndir má finna hér. 

Úrslit, stigaútreikna o.þ.h. má finna á Chess-Results. 

Nýr pistill um gang mála svo væntanlegur síðar í dag.   Fylgist með!