Páskaeggjamót Hellis

Páskaeggjamót Hellis verður haldið mánudaginn 6. apríl 2009, og hefst taflið kl. 17, þ.e. nokkru fyrr heldur en venjulegar mánudagsæfingar. Páskaeggjamótið kemur í stað mánudagsæfingar. Tefldar verða 7 umferðir með 7 mínútna umhugsunartíma. Mótið er opið öllum krökkum á grunnskólaaldri. Ókeypis er fyrir félagsmenn í Helli en fyrir aðra er þátttökugjald kr. 500.

Allir þátttakendur keppa í einum flokki en verðlaun verða veitt í tveimur aðskildum flokkum. Páskaegg verða í verðlaun fyrir þrjú efstu sætin, bæði í eldri flokki (fæddir 1993 – 1995) og yngri flokki (fæddir 1996 og síðar). Að auki verða tvö páskaegg dregin út og efsta stúlkan í mótinu fær páskaegg í verðlaun. Enginn fær þó fleiri en eitt páskaegg. 

Páskaeggjamótið verður haldið í félagsheimili Hellis að Álfabakka 14a í Mjóddinni. Inngangur er við hliðina á Sparisjóði Reykjavíkur en salur félagsins er á þriðju hæð hússins.

Atkvöld hjá Helli 6 apríl nk.

Taflfélagið Hellir heldur atkvöld mánudaginn  6. apríl 2009 og hefst mótið kl. 20:00. Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með tuttugu mínútna umhugsun.

Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Patrekur Maron og Jóhann Bernhard sigra á æfingum í lok mars.

Patrekur Maron Magnússon sigraði á æfingu sem haldin var 23. mars sl með fullu húsi 5v í fimm skákum. Annar varð Ragnar Eyþórsson með 4v eins og Páll Andrason en hærri á stigum. Á næstu æfingu sem haldin var 30. mars sl. var alveg skipt um verðlaunahafa. Þá sigraði Jóhann Bernhard Jóhannsson með 4v í fimm skákum. Annar einnig með 4v en lægri á stigum varð Guðjón Páll Tómasson. Þriðja sætinu náði svo Sigurður Kjartansson eftir nokkurn stigaútreikning .

Þau sem tóku þátt í þessum æfingum voru: Patrekur Maron Magnússon, Ragnar Eyþórsson, Páll Andrason, Franco Sótó, Jóhann Bernhard Jóhannsson, Kristófer Orri Guðmundsson, Brynjar Steingrímsson, Damjan Dagbjartsson, Heimir Páll Ragnarsson, Guðjón Páll Tómasson, Kári Steinn Hlífarsson, Sævar Atli Magnússon, Ardit Baqiki, Sigurður Kjartansson, Jóhannes Guðmundsson og Agnes Lóa Gunnarsdóttir.

Davíð Ólafsson hraðskákmeistari Hellis

Davíð Ólafsson sigraði á hraðskákmóti Hellis sem haldið var í gær 16. mars.  Davíð er þar með búinn að taka þrjá stæstu titla félagsins á tæpum fjórum mánuðum. Davíð fékk 11v í 14 skákum og varð hálfum vinningi fyrir ofan Braga Halldórsson sem útnefndi sig á staðnum vara hraðskákmeistara Hellis. Þriðji hálfum vinningi á eftir Braga varð svo Sverrir Þorgeirsson. Mótið var afar jafnt og spennandi og réðust úrslitin ekki fyrir en í lokin þegar Bragi og Sverrir skyldu jafnir meðan Davíð vann Patrek Maron með minnsta mun.

Lokastaðan á hraðskákmeistaramóti Hellis:

1.   Davíð Ólafsson                      11v/14

2.   Bragi Halldórsson                  10,5v

3.   Sverrir Þorgeirsson                10v

4.   Helgi Brynjarsson                   9v

5.   Halldór Pálsson                      9v

6.   Andri Áss Grétarsson             8,5v

7.   Elsa María Kristínardóttir        8,5v

8.   Patrekur Maron Magnússon   8v

9.   Vigfús Ó. Vigfússon                8v

10. Ingi Tandri Traustason           7,5v

11. Dagur Kjartansson                 7v

12. Gunnar Nikulásson                 7v

13. Birgir Rafn Þráinsson              6,5v

14. Páll Andrason                         6v

15. Björgvin Kristbergsson           6v

16. Birkir Karl Sigurðsson             5,5v

17. Brynjar Steingrímsson            5v

18. Tjörvi Schöth                          4v

19. Pétur Jóhannesson                3v

Kári og Patrekur sigra á æfingum í mars.

Kári Steinn Hlífarsson sigraði á æfingu sem haldin var 9. mars sl. Kári fékk 4v í fimm skákum eins og Guðjón Páll Tómasson sem lenti í öðru sæti en var aðeins hærri á stigum. Þriðji var svo Brynjar Steingrímsson með 3v. Á æfingu 16 mars sigraði Patrekur Maron Magnússon með 5v í jafn mörgum skákum. Páll Andrason varð annar með 4v og þriðji eftir mikinn stigaútreikning varð Kristófer Orri Guðmundsson með 3v.

Þeir sem tóku þátt í þessum æfingum voru: Kári Steinn Hlífarsson, Guðjón Páll Tómasson, Brynjar Steingrímsson, Franco Sótó, Sævar Atli Magnússon, Jóhannes Guðmundsson, Damjan Dagbjartsson, Jóhann Bernhard Jóhannsson, Ardit Bbacik, Heimir Páll Ragnarsson, Garðar Elí Jónasson, Friðrik Húni Friðriksson, Patrekur Maron Magnússon, Páll Andrason, Kristófer Orri Guðmundsson, Ragnar Eyþórsson, Kristján Helgi Magnússon, Sigurður Kjartansson og Danil Krijanofski.