Hraðkvöld hjá Helli mánudaginn 3. maí.

Taflfélagið Hellir heldur hraðkvöld mánudaginn 3. maí og hefst mótið kl. 20:00. Tefldar verða 7 umferðir með sjö mínútna umhugsunartíma.  Teflt er í félagsheimili Hellis í Álfabakka 14a í Mjóddinni. 

Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Davíð með fullt hús á æfingu.

Davíð Kolka sigraði örugglega með 5v í jafn mörgum skákum á æfingu sem haldin var 26. apríl sl. Vignir Vatnar Stefánsson bætti um betur frá síðustu æfingu og varð annar með 3,5v. Hildur Berglind Jóhannsdóttir náði svo þriðja sætinu í lokaumferðinni þegar hún tók fram úr Róbert Leó en bæði fengu þau 3v en Hildur var hærri á stigum.

Þau sem tóku þátt í æfingunni voru: Davíð Kolka, Vignir Vatnar Stefánsson, Hildur Berglind Jóhannsdóttir, Róbert Leó Jónsson, Gabríel Orri Duret, Damjan Dagbjartsson, Breki Freysson, Jóhannes Guðmundsson, Aron Pétur Árnason, Ardit Bakic og Hekla Liv Júlíusdóttir.

Dagur með fullt hús á æfingu

Dagur Kjartansson sigraði örugglega á æfingu sem haldin var 19. april sl. með 5v í jafn mörgum skáku. Annar varð Davíð Kolka með 4v og þriðji einnig með 4v en lægri á stigum varð Vignir Vatnar Stefánsson og náði þar með í sín fyrstu verðlaun á þessum æfingum:

Þau sem tóku þátt í æfingunni voru: Dagur Kjartansson,  Davíð Kolka, Vignir Vatnar Stefánsson, Brynjar Steingrímsson, Gauti Páll Jónsson, Jóhann Bernhard Jóhannsson, Ardit Bakic, Gabríel Orri Duret, Jóhannes Guðmundsson, Heimir Páll Ragnarsson, Franco Soto, Donika Kolica, Breki Freysson, Aron Pétur Árnason og Adrian Krasniqi.

2. fréttabréf vetrarins um unglingaæfingarnar.

Búið er að gefa út annað fréttabréf vetrarins fyrir barna- og unglingastarfið. Þar kemur m.a. fram að á æfingum vetrarins voru eftirtaldir efstir í stigakeppninni:

1. Dagur Kjartansson                          32 stig

2. Brynjar Steingrímsson                     31   -

3. Róbert Leó Jónsson                        20   -

4. Davíð Kolka                                      17   -

5. Jóhann Bernhard Jóhannsson         15   -

6. Emil Sigurðarson                              13   -

7. Franco Soto                                      10   -

 

Með besta mætingu í vetur eru:

Heimir Páll Ragnarsson             30 mætingar

Jóhannes Guðmundsson           30 ----"------

Brynjar Steingrímsson               28 ----"------

Davíð Kolka                               26 ----"------

Ardit Bakic                                 25 ----"------

Gauti Páll Jónsson                     25 ----"------

Franco Soto                               23 ----"------

Aron Pétur Árnason                   21 ----"------

Donika Kolica                             20 ----"------

Friðrik Daði Smárason                20 ----"------

Jóhann Bernhard Jóhannsson   19 ----"------

Róbert Leó Jónsson                   19 ----"------

Damjan Dagbjartsson                18 ----"------

Sigurður Kjartansson                 17 ----"------

Hildur Berglind Jóhannsdóttir     15 ----"------

 

Gauti Páll efstur á æfingu.

Gauti Páll Jónsson notaði tækifærið í fjarveru nokkurra sterkra skákmann vegna sveitakeppni grunnskóla í Reykjavík og nældi í sín fyrstu gullverðlaun á barna- og unglingaæfingu Hellis sem haldin var 12. apríl sl. Gauti Páll fékk 4,5v í fimm skákum og leyfði aðeins eitt jafntefli við Davíð Kolka sem hlaut annað sætið með 4v. Þriðja varð svo Hildur Berglind Jóhannsdóttir með 3,5v.

Þau sem tóku þátt í æfingunni voru: Gauti Páll Jónsson, Hildur Berglind Jóhannsdóttir, Gabríel Orri Durret, Ardit Bakic, Róbert Leó Jónsson, Damjan Dagbjartsson, Aron Pétur Árnason, Helgi Valur Wethol, Hekla Liv Júlíusdóttir og Baltarar Máni Wethol.