Vigfús nýr formaður Hellis

Vigfús Ó. Vigfússon var kjörinn formaður Taflfélagsins Hellis á aðalfundi félagsins í gær.  Gunnar Björnsson sem hefur verið formaður síðan 2005 lét af störfum.  

Á fundinum var einnig kjörin ný stjórn.  Hana skipa auk Vigfúsar þau Andri Áss Grétarsson, Davíð Ólafsson, Edda Sveinsdóttir, Omar Salama, Paul Frigge, Rúnar Berg, Sigurbjörn Björnsson og Þorsteinn Hilmarsson.

Aðalfundur Hellis fer fram 16. júní

Aðalfundur Hellis fer fram þriðjudaginn 16. júní nk. og hefst kl. 18.  Fyrir liggur að Gunnar Björnsson, formaður félagsins, 1991-95 og frá 2004 mun láta af formennsku. 

Félagið hvetur félagsmenn til að fjölmenna.   

Andri hafði sigur á hraðkvöldi Hellis

Andri Áss Grétarsson sigraði á jöfnu og spennandi hraðkvöldi Hellis sem fram fór 8. júní sl. Andri fékk 6v í 7 skákum. Helstu keppinautar hans Kjartan Másson og Sæbjörn Guðfinnsson urðu svo jafnir í 2-3 sæti með 5,5,v.

Þetta var síðasta kvöldæfing hjá Helli á vormisseri. Æfingarnar hefjast svo aftur seinni partinn í ágúst.

Lokastaðan á hraðkvöldinu:

1.    Andri Áss Grétarsson           6v/7

2.    Kjartan Másson                    5,5v

3.    Sæbjörn Guðfinnsson           5,5v

4.    Sverrir Sigurðsson                 4v

5.    Örn Stefánsson                     4v

6.    Vigfús Ó. Vigfússon                4v

7.    Björgvin Kristbergsson           4v

8.    Pétur Jóhannesson                 3v

9.    Jón Úlfljótsson                        3v

10.  Birkir Karl Sigurðsson              3v

11.  Páll Andrason                          3v

12.  Jóhann Bernhard Jóhannsson 2v

13.  Kristján Helgi Magnússon       1v

14.  Ankit Saigal                             1v

Hraðkvöld hjá Helli mánudaginn 8. júní

Taflfélagið Hellir heldur hraðkvöld mánudaginn 8. júní og hefst mótið kl. 20:00. Tefldar verða 7 umferðir með sjö mínútna umhugsunartíma.  

Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þar sem um er að ræða síðasta hraðkvöld á vormisseri fá auk þess þeir þrír efstu sem ekki eiga bók Braga Halldórssonar um heimsbikarmót Stöðvar 2 þá bók. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Mjóddarmót Hellis fer fram laugardaginn 6. júní.

Mjóddarmót Hellis fer fram laugardaginn 6. júní í göngugötunni í Mjódd.  Mótið hefst kl. 14 og er mótið öllum opið. Góð verðlaun í boði.  Síðasta ár sigraði Gissur og Pálmi en fyrir þá tefldi Bragi Halldórsson.  Tefldar verða sjö umferðir með sjö mínútna umhugsunartíma.  Skráning fer fram með tölvupósti á netfangið [e-mail] , í síma 866-0116 og á heimasíðu Hellis: http://hellir.blog.is.  Þátttaka er ókeypis!

Verðlaun eru sem hér segir:

• 1. 10.000
• 2.   6.000
• 3.   4.000

Skráning:

• Tölvupóstur: [e-mail]
• Heimasíða Hellis: http://hellir.blog.is
• Sími: 866 0116