Vigfus sigraði á jöfnu og spennandi atkvöldi

Góð mæting var á fyrsta atkvöld Hellis á haustmisseri var haldið 24. ágúst sl. Alls mættu 20 skákmenn til leiks og var hart barist á öllum vígstöðvum. Ögmundur Kristinsson leiddi framan af en Jón Úlfljótsson, Sæbjörn Guðfinnsson og Vigfús Ó. Vigfússon fylgdu í humátt á eftir. Í lokaumferðunum komust svo Sæbjörn og Vigfús í efstu sætin eftir innbyrðis viðureignir efstu manna en Vigfús hafði sigur á stigum.

Lokastaðan:

1.   Vigfús Ó. Vigfússon            5v/6 (14 stig)

2.   Sæbjörn Guðfinnsson         5v (13,5 stig)

3.   Ögmundur Kristinsson        4v

4.   Jón Úlfljótsson                    4v

5.   Elsa María Krstínardóttir     4v

6.   Halldór Pálsson                   4v

7.   Dagur Kjartansson              3,5v

8.   Gunnar Nikulásson              3v

9.   Sigurður Kristjánsson          3v

10. Björgvin Kristbergsson        3v

11. Birkir Karl Sigurðsson           3v

12. Eiríkur Örn Brynjarsson        2,5v

13. Guðmundur Krstinn Lee        2,5v

14. Brynjar Steingrímsson          2,5v

15. Örn Stefánsson                    2v

16. Haukur Halldórsson              2v

17. Pétur Jóhannesson               2v

18. Páll Andrason                        2v

19. Finnur Kr. Finnsson               1,5v

20. Arnar Valgeirsson                  1,5v

Hraðskákkeppni taflfélaga - úrslit

Taflfélagið Hellir og Taflfélag Bolungarvíkur mætast í úrslitum Hraðskákkeppni taflfélaga sem fara í Bolungarvík 11. september nk. 

Guðmundur Kristinn efstur á æfingu

Guðmundur Kristinn Lee sigraði á fyrstu barna- og unglingaæfingu Hellis á haustmisseri með 4,5v í fimm skákum. Páll Andrason varð annar með 4v og Eiríkur Örn Brynjarsson náði þriðja sætinu eftir stigaútreikning milli hans og Kristjáns Helga Magnússonar.

Þau sem tóku þátt í æfingunni: Guðmundur Kristinn Lee, Páll Andrason, Eiríkur Örn Brynjarsson, Kristján Helgi Magnússon, Björn Leví Óskarsson, Emil Sigurðarson, Jóhann Bernhard Jóhannsson, Phithak Kenjan, Friðrik Daði Smárason, Jóhannes Guðmundsson, Hildur Berglind Jóhannsdóttir, Dagbjört Edda Sverrisdóttir, Katrín Wong Wan, Sigurður Kjartansson og Elías Lúðvíksson.

Barna- og unglingaæfingar veturinn 2009-2010

Barna- og unglingaæfingar Hellis hefjast aftur mánudaginn 24. ágúst 2009. Taflið byrjar kl. 17:15 og fyrirkomulagið verður það sama og síðasta vetur.  Æfingarnar eru opnar öllum 15 ára og yngri. Engin þátttökugjöld.

Æfingarnar verða haldnar í félagsheimili Hellis í Álfabakka 14a, Mjódd. Inngangurinn snýr að Kópavogi og er þar sem Sparisjóður Reykjavíkur var áður en salur félagsins er á þriðju hæð hússins. Á æfingunum verða 5 eða 6 umferðir með umhugsunartíma 10 eða 7 mínútur. Einnig verður farið í dæmi og endatöfl eins og tími vinnst til. Umsjón með æfingunum hefur Vigfús Ó. Vigfússon.

Á döfinni er svo að halda alþjóðlegt barna- og unglingamót á þessum vetri svipað og félagið hefur haldið tvisvar áður.

Atkvöld hjá Helli í kvöld 24. ágúst.

Taflfélagið Hellir heldur atkvöld mánudaginn  24. ágúst 2009 og hefst mótið kl. 20:00. Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með tuttugu mínútna umhugsun.

Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).