Dawid og Gauti Páll efstir á æfingu

Dawid Kolka og Gauti Páll Jónsson fengu báðir 4v í fimm skákum á Hellisæfingu sem haldin var 12. september en eftir stigaútreikning var Dawid úrskurðaður sigurvegari. Það þurftir einnig stigaútreikning til að sker úr um 3. sætið en Felix Steinþórsson og Sonja María Friðriksdóttir fengu bæði 3,5v en hér hafði Felix betur eftir stigaútreikning og hreppti 3. sætið.

Þau sem tóku þátt í æfingunni voru: Dawid Kolka, Gauti Páll Jónsson, Felix Steinþórsson, Sonja María Friðriksdóttir, Birgir Jarl Aðalsteinsson, Björn Hólm Birkisson, Heimir Páll Ragnarsson, Pétur Steinn Atlason, Guðmundur Agnar Bragason, Aðalsteinn Einir Laufdal, Bárður Örn Birkisson, Birgir Logi Steinþórsson og Óskar Víkingur Davíðsson.

Næsta æfing verður svo 19. september nk. og hefst kl. 17.15. Æfingarnar eru í Álfabakka 14a í Mjóddinni. Inngangur milli Fröken Júlíu og Subway og salurinn er á 3 hæð..

Páll Andrason efstur á hraðkvöldi

Páll andrason sigraði á hraðkvöldi Hellis sem fram fór 12. september. Páll fékk 8v í 10 skákum, vann 7 skákir, gerði 2 jafntefli og tapaði einni. Elsa María Kristínardóttir varð önnur með 6,5v og Jón Úlfljótsson og Vigfús Ó. Vigfússon voru jafnir í 3.-4. sæti með 6v. Keppendur voru sex og tóku tvöfalda umferð með 5 mínútna umhugsunartíma.

Lokastaðan:

1.   Páll Andrason                   8v/10

2.   Elsa María Kristínardóttir  6,5v

3.   Jón Úlfljótsson                  6v

4.   Vigfús Ó. Vigfússon          6v

5.   Björgvin Kristbergsson     2,5v

6.   Hjálmar Sigurvaldason     1v

Aðalfundur Hellis fer fram 20. september nk.

Aðalfundur Hellis fer fram þriðjudaginn 20. september nk. og hefst kl. 20.  Venjuleg aðalfundarstörf eins og yfirferð ársskýrslu og kosning stjórnar. 

Félagið hvetur félagsmenn til að fjölmenna

Hraðkvöld hjá Helli mánudaginn 12. september

Taflfélagið Hellir heldur hraðkvöld mánudaginn 12. september nk. og hefst taflið kl. 20:00. Tefldar verða 7 umferðir með sjö mínútna umhugsunartíma.  Teflt er í félagsheimili Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun pizzu frá Dominos Pizzum. Einnig verður dreginn út af andahófi annar keppandi, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þar sem starfsemi félagsins er að byrja á hausmisseri verða auk þess þau aukaverðlaun að þrír efstu keppendur sem ekki eiga bókina Skák í 100 ár saga Skákfélags Akureyrar eftir Jón Þ. Þór fá hana í verðlaun.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Vignir efstur á fyrstu æfingu á haustmisseri

Vignir Vatnar Stefánsson sigraði á fyrstu æfingu á haustmisseri með 4,5v af fimm mögulegum. annar varð Dawid Kolka með 3,5v og þriðji varð Felix Steinþórsson einnig með 3,5v en Dawid var hærri á stigum. vignir og Felix áttust við í hreinni úrslitskák í lokaumferðinn þar sem Vignir hafði betur eftir mikla baráttu.

Þeir sem tóku þátt í æfingunni voru: Vignir Vatnar Stefánsson, Dawid Kolka, Felix Steinþórsson, Guðmundur Agnar Bragason, Heimir Páll Ragnarsson, Jón Otti Sigurjónsson, Björn Hólm Birkisson Róbert Örn Vigfússon, Pétur Steinn Atlason, Bárður Örn Birkisson, Aðalsteinn Einir Laufdal, Axel Óli Sigurjónsson, Sindri snær Kristófersson og Birgir Jarl Aðalsteinsson.

Næsta æfing verður svo 12. september nk. og hefst kl. 17.15. Æfingarnar eru í álafabakka 14a í Mjóddinni. inngangur milli Fröken Júlíu og Subway og salurinn er á 3 hæð..