Hraðkvöld hjá Helli mánudaginn 27. september nk.

Taflfélagið Hellir heldur hraðkvöld mánudaginn 27. september og hefst mótið kl. 20:00. Tefldar verða 7 umferðir með sjö mínútna umhugsunartíma.  Teflt er í félagsheimili Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Í tilefni af því að nú er uppskerutími í grænmetisgörðum landsmanna og uppskeran í garði formanns Hellis er með afbrigðum góð verða dregin út tvenn aukaverðlaun úr garðinum.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Eiríkur Björnsson efstur á hraðkvöldi Hellis

Eiríkur Björnsson sigraði á jöfnu og spennandi hraðkvöldi Hellis sem fram fór 20. september sl. Eiríkur fékk 6v í sjö skákum og tapaði ekki skák en gerði tvö jafntefli. Annar varð Vigfús Ó. Vigfússon með 5,5v og þriðja var Elsa María Kristínardóttir með 5v.

Eiríkur fékk svo það hlutverk að drag í happdrættinu í lokin og dró eingöngu skákmenn í yngri kantinum og lét þau ummæli fylgja að þeim veitti ekki af að borða meira grænmeti.

Lokastaðan á hraðkvöldinu:

1.   Eiríkur Björnsson,                6v/7
2.   Vigfús Ó. Vigfússon,            5.5
3.   Elsa María Kristínardótti,     5
4.   Páll Andrason,                     4.5
5.   Eiríkur Örn Brynjarsson,      4.5
6.   Gunnar Nikulásson,             4.5
7.   Birkir Karl Sigurðsson,          4.5
8.   Guðmundur Kristinn Lee,     4
9.   Stefán Már Pétursson,         4
10. Dawid Kolka,                        4
11. Kristinn Andri Kristinsson,    4
12. Örn Leó Jóhannsson,           3.5
13. Jón Úlfljótsson,                    3
14. Vignir Vatnar Stefánsson,    3
15. Jón Trausti Harðarson,         3
16. Björgvin Kristbergsson,        3
17. Brynjar Steingrímsson,         3
18. Estanislao Plantada,            3
19. Pétur Jóhannesson,             2
20. Arnar Valgeirsson,               1.5
21. Jón Gauti Magnússon,         1.5 

Vignir Vatnar og Gauti Páll efstir á æfingum

Vignir Vatnar Stefánsson sigraði á Hellisæfingu sem haldin var 13. september sl. Vignir fékk 4, 5v í 5 skákum. Annar varð Brynjar Steingrímsson með 4v og þriðji Gauti Páll Jónsson með 3,5v. Á æfingu sem haldin var 20. september sl. urðu Gauti Páll Jónsson og Davíð Kolka efstir og jafnir með 4v en Gauti Páll hafði sigur á stigum og Davíð fékk 2. sætið. Þriðji varð svo Vignir Vatnar Stefánsson með 3,5v.

Þau sem tóku þátt í æfingunum voru: Vignir Vatnar Stefánsson, Brynjar Steingrímsson, Davíð Kolka, Gauti Páll Jónsson, Jóhannes Guðmundsson, Jón Otti Sigurjónsson, Heimir Páll Ragnarsson, Elías Lúðvíksson, Felix Steinþórsson, Aron Pétur Jónsson, Donika Kolica, Ardit Bakic, Sæþór Atli Harðarson og Damjan Dagbjartsson.

Hraðkvöld hjá Helli mánudaginn 20. september

Taflfélagið Hellir heldur hraðkvöld mánudaginn 20. september og hefst mótið kl. 20:00. Tefldar verða 7 umferðir með sjö mínútna umhugsunartíma.  Teflt er í félagsheimili Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Í tilefni af því að nú er uppskerutími í grænmetisgörðum landsmanna og uppskeran í garði formanns Hellis er með afbrigðum góð verða dregin út tvenn aukaverðlaun úr garðinum.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Hellismenn sigruðu í Hraðskákkeppni taflfélaga

Taflfélagið Hellir sigraði Taflfélag Reykjavíkur örugglega í úrslitum Hraðskákkeppni taffélaga með 47,5v gegn 24,5v og nældu sér þar með í sinn sjöunda titil í þessari keppni. Grunninn að sigrinum lögðu Hellismenn í fyrri hlutanum þar sem þeir unnu allar viðureignir og það flestar stórt þannig að staðan í hálfleik var 27,5v - 8,5v fyrir Helli. Hellismenn voru hins vegar varla búnir að kyngja veitingunum í Faxafeni þegar TR var búið að vinna sjöundu umferð 5-1. Hellismenn héldu síðan áfram þar sem frá var horfið í fyrri hlutanum þótt seinni hlutinn hafi verið mun jafnari en fyrri hlutinn.

Hannes Hlífar Stefánsson, Hjörvar Steinn Grétarsson og Sigurbjörn Björnsson skorðu best Hellismann. Hjá TR voru Guðmundur Kjartansson og Arnar Gunnarsson drýgstir og munað mest um það fyrir TR þegar Guðmundur komst í gang í seinni hlutanum.

Einstaklingsárangur:

Hellir:

• Hannes Hlífar Stefánsson 10,5 v. af 12
• Hjörvar Steinn Grétarsson 9½ v. af 12
• Sigurbjörn J. Björnsson 9 v. af 12
• Magnús Örn Úlfarsson 7,5 v. af 12
• Róbert Lagerman 4,5 v. af 11
• Davíð Ólafsson 3,5 v. af 6
• Andri Áss Grétarsson 1 v. af 3
• Gunnar Björnsson 1 v. af 2
• Vigfús Óðinn Vigfússon 1 v. af 1

TR:

• Guðmundur Kjartansson 8 v. af 12
• Arnar Gunnarsson 6½ v. af 12
• Snorri Bergsson 2½ v. af 11
• Daði Ómarsson 3½ v. af 12
• Hrafn Loftsson 1½ v. af 6
• Benedikt Jónasson 1½ v. af 10
• Júlíus Friðjónsson 1 v. af 3
• Eiríkur Björnsson  0 v. af 1
• Björn Jónsson 0v. af 2
• Ríkharður Sveinsson 0v. af 3