Úrslit fyrstu umferðar Hraðskákkeppninnar

Úrslit fyrstu umferðar Hraðskákkeppni taflélaga hafa verið sem hér segir: 

1. umferð (13 liða úrslit):

• Skákfélag Selfoss og nágrennis - Skákdeild Fjölnis 17,5-54,5
• Taflfélag Vestmannaeyja - Skákdeild Hauka 72*-0*
• Taflfélag Garðabæjar - Taflfélag Akraness 55-17
• Taflfélag Bolungarvíkur - Kátir biskupar 65-7
• Skákdeild KR - Víkingaklúbburinn 54-18

2. umferð (8 liða úrslit):

• Skákdeild Fjölnis - Taflfélag Reykjavíkur (25. ágúst kl. 19:30 í TR-heimilinu)
• Taflfélag Garðabæjar - Skákfélag Akureyrar (25. ágúst, kl. 19:30 í Garðabergi)
• Skákdeild KR - Taflfélag Bolungarvíkar (24. ágúst, kl. 20 í KR-heimilinu)
• Taflfélagið Hellir - Skákdeild Hauka (26. ágúst, kl. 20 í Hellisheimilinu)

Barna- og unglingaæfingar veturinn 2008 - 2009

Barna- og unglingaæfingar Hellis hefjast aftur mánudaginn 25. ágúst 2008. Taflið byrjar kl. 17:15 og fyrirkomulagið verður það sama og síðasta vetur.  Æfingarnar eru opnar öllum 15 ára og yngri. Engin þátttökugjöld.

Æfingarnar verða haldnar í félagsheimili Hellis í Álfabakka 14a, Mjódd. Inngangur er við hliðina á Sparisjóði Reykjavíkur en salur félagsins er á þriðju hæð hússins. Á æfingunum verða 5 eða 6 umferðir með umhugsunartíma 10 eða 7 mínútur. Einnig verður farið í dæmi og endatöfl eins og tíma vinnst til. Umsjón með unglingaæfingunum hefur Vigfús Ó. Vigfússon.

Atkvöld Hellis 25. ágúst 2008

Taflfélagið Hellir heldur atkvöld mánudaginn 25. ágúst 2008 og hefst mótið kl. 20:00. Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með tuttugu mínútna umhugsun. Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).