Barna- og unglingaæfingar Hellis eru byrjaðar aftur eftir jólafrí.

Barna- og unglingaæfingar Hellis er byrjaðar aftur eftir jólafrí og er eins og alltaf á mánudögum og byrjar taflið kl. 17:15 og eru æfingarnar búnar um kl. 19:00.  Æfingarnar eru opnar öllum 15 ára og yngri. Engin þátttökugjöld.

Æfingarnar verða haldnar í félagsheimili Hellis í Álfabakka 14a, Mjódd. Inngangur er við hliðina á Sparisjóði Reykjavíkur en salur félagsins er á þriðju hæð hússins. Á æfingunum verða 5 eða 6 umferðir með umhugsunartíma 10 eða 7 mínútur. Einnig verður farið í dæmi og endatöfl eins og tíma vinnst til. Umsjón með unglingaæfingunum hefur Vigfús Ó. Vigfússon.

Hjörvar Steinn sigraði á atkvöldi Hellis

Hjörvar Steinn Grétarsson vann öruggan sigur á Atkvöldi Hellis sem fram fór 5. janúar sl. í Hellisheimilinu.  Hjörvar hlaut 5½ vinning, leyfði aðeins jafntefli í lokaumferðinni við Þorvarð Fannar Ólafsson.  Lengi vel var Ingi Tandri Traustason eini maður sem hélt í Hjörvar en Tandri töfraði hvern vinninginn fram að öðrum á síðustu sekúndunum og lagði m.a. Þorvarð og Kristján Eðvarðsson að velli í atskákunum.   Tandri varð í 2.-5. sæti með 4 vinninga ásamt Þorvarði, Gunnar Björnssyni og Erni Stefánssyni.

Lokastaðan:

1. Hjörvar Steinn Grétarsson 5½ v. af 6
2.-5. Ingi Tandri Traustason, Þorvarður Fannar Ólafsson, Gunnar Björnsson og Örn Stefánsson 4 v.
6.-7. Kristján Eðvarðsson og Rúnar Berg 3½ v.
8.-11. Magnús Matthíasson, Birkir Karl Sigurðsson, Páll Andrason og Vigfús Ó. Vigfússon 3 v.
12. Eiríkur Björnsson 2½ v.
13.-14. Björgvin Kristbergsson og Brynjar Steingrímsson 2 v.
15. Pétur Jóhannesson 1 v.

Brynjar og Kristófer Orri efstir á æfingum fyrir og eftir jól

Brynjar Steingrímsson sigraði á síðustu æfingu ársins 2008 sem haldin var 15. desember. Brynjar fékk 7v í jafn mörgum skákum. Annar varð Kristófer Orri Guðmundsson með 6v og þriðji Franco Sotó með 5v. Á fyrstu æfingu ársins 2009 sem fram fór 5. janúar höfðu efstu menn hins vegar sætaskipti. Kristófer Orri sigraði með 5v í jafn mörgum skákum og Brynjar varð annar með 4v. Þriðja varð svo Hildur Berglind Jóhannsdóttir.

Þeir sem tóku þátt í þessum æfingum voru: Kristófer Orri Guðmundsson, Brynjar Steingrímsson, Franco Sótó, Sæþór Atli Harðarson, Aron Daníel Arnalds, Damjan Dagbjartsson, Sigurður Kjartansson, Jóhannes Guðmundsson, Hildur Berglind Jóhannsdóttir og Guðjón Páll Tómasson