Kristófer Orri og Birkir Karl efstir á æfingum um mánaðamótin.

Kristófer Orri Guðmundsson sigraði örugglega með fullu húsi á æfingu sem haldin var 26. janúar sl með 6v í sex skákum. Í öðru sæti varð Franco Sótó með 4v eins og Damjan Dagbjartsson, Guðjón Páll Tómasson og Jóhannes Guðmundsson en Franco náði öðru sætinu á stigum og Damjan því þriðja.

Birkir Karl Sigurðsson vann æfingu sem fór fram 2. febrúar sl. Birkir Karl fékk 4,5v í fimm skákum. Annar varð Patrekur Maron Magnússon með 4v. Þriðja sætinu eftir stigaútreikning náði svo Ragnar Eyþórsson með 3v. Jafnir honum að vinningum en lægri á stigum voru Brynjar Steingrímsson, Guðjón Páll Tómasson og Jóhannes Guðmundsson.

ÞAu sem tóku þátt í þessum æfingum voru: Kristófer Orri Guðmundsson, Franco Soto, Damjan Dagbjartsson, Guðjón Páll Tómasson, Jóhannes Guðmundsson, Kári Steinn Hlífarsson, Sigurður Kjartansson, Aron Daníel Arnalds, Heimir Páll Ragnarsson, Agnes Lóa Gunnarsdóttir, Herdís Ósk Hjaltalín, Birkir Karl Sigurðsson, Patrekur Maron Magnússon, Ragnar Eyþórsson, Brynjar Steingrímsson og Kristinn Birkisson.

"Yðar heilagleiki"

Meistaramót Hellis hófst í kvöld.  Strax í fyrstu umferð urðu óvænt úrslit.  Á fyrsta borði sigraði Ingi Tandri Traustason stigahæsta keppendann Sigurbjörn Björnsson og Þórhallur Halldórsson sigraði Hrannar Baldursson.  Þórhallur er lítt þekktur en hann tefldi síðast á skákmóti árið 1992 þá 12 ára!  Sá sem þetta ritar (GB) mátti hafa sig allan við að leggja Guðmund Kristinn Lee sem tefldi afar vel. 

Eiríkur Garðar Einarsson, sem einnig tefldi á sínu fyrsta kappskákmóti í mörg ár tapaði fyrir Sævari Bjarnasyni.  Þegar skákin var tiltölulega nýbyrjuð hringdi sími Eiríks Garðar og setninginn "yðar heilagleiki" barst yfir salinn! 

Fjör var einnig á neðri hæðinni í kvöld en mikið var hoppað og dansað hjá Þjóðdansafélaginu.  

Fjörleg byrjun á skemmtilegu móti.  Önnur umferð fer fram á miðvikudag.  Pörun og úrslit verður að finna á Skák.is og á Chess-Results.  Eyjólfur ætlar svo að birta skákirnar á Horninu.