Hraðkvöld hjá Helli 4. maí

Taflfélagið Hellir heldur hraðkvöld mánudaginn 4. maí og hefst mótið kl. 20:00. Tefldar verða 7 umferðir með sjö mínútna umhugsunartíma.  

Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Brynjar og Jóhannes efstir á æfingum í lok apríl

Brynjar Steingrímsson sigraði á æfingu sem haldin var 20. apríl sl. Brynjar fékk 4, 5 v í fimm skákum. Annar varð Guðjón Páll Tómason með 4v og þriðji Heimir Páll Ragnarsson með 3,5v og þar með í verðlaunasæti í fyrsta sinn á æfingunum. Á æfingunni 27. apríl sl sigraði Jóhannes Guðmundsson með 4v í fimm skákum. Jóhannes hefur ekki áður unnið þessar æfingar þótt hann hafi áður lent í verðlaunasæti. Annar varð Franco Sótó einnig með 4v en lægri á stigum en Jóhannes. Þriðja sætið fékk svo Brynjar Pálmarsson á sinni fyrstu æfingu.

Þeir sem tóku þátt í þessum æfingum voru Brynjar Steingrímsson, Guðjón Páll Tómasson, Heimir Páll Ragnarsson, Elías Lúðvíksson, Jóhannes Guðmundsson, Björn Leví Óskarsson, Agnes Lóa Gunnarsdóttir, Sóley Birta Kristinsdóttir, Franco Sótó, Brynjar Pálmarsson, Ardit Baqiki og Damjan Dagbjartsson.

Daði sigraði á hraðkvöldi Hellis

Daði Ómarsson sigraði með fullu húsi á hraðkvöldi Hellis sem fram fór í gærkvöldi.  Annar varð Andri Grétarsson með 6 vinninga en þessir tveir höfðu yfirburði því næstu menn  höfðu 4 vinninga. 

• 1.       Daði Ómarsson 7 v. af 7
• 2.       Andri Áss Grétarsson 6 v.
• 3.       Örn Stefánsson 4 v.
• 4.       Gunnar Björnsson 4 v.
• 5.       Gunnar Nikulásson 4 v.
• 6.       Páll Andrason 4 v.
• 7.       Sigurður Freyr Jónatansson 3½ v.
• 8.       Björgvin Kristbergsson 3½ v.
• 9.       Sverrir Sigurðsson 3 v.
• 10.   Birkir Karl Sigurðsson 3 v.
• 11.   Arnar Valgeirsson 3 v.
• 12.   Haukur Halldórsson 2 v.
• 13.   Franco Soto 2 v.
• 14.   Pétur Jóhannesson 1 v.