Hraðkvöld hjá Helli mánudaginn 7. september.

Taflfélagið Hellir heldur hraðkvöld mánudaginn 7. september og hefst mótið kl. 20:00. Tefldar verða 7 umferðir með sjö mínútna umhugsunartíma.  

Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Jóhann Bernhard með fullt hús á æfingu

Jóhanna Berhard Jóhannsson sigraði á æfingu sem haldin var 31. ágúst sl. með 5v í jafn mörgum skákum. Annar varð Dagur Kjartansson með 4v og þriðji Emil Sigurðarson með 3,5v.

Þeir sem tóku þátt í æfingunni voru: Jóhann Bernhard Jóhannsson, Dagur Kjartansson, Emil Sigurðarson, Sigurður Kjartansson, Friðrik Daði Smárason, Ardit Bakiqi, Brynjar Steingrímsson, Björn Leví Óskarsson, Heimir Páll Ragnarsson, Hildur Berglind Jóhannsdóttir, Aron Pétur Árnason, Þórður Líndal Þórsson, Katrín Wong Wan, Benjamín Gunnarsson, Dagbjört Edda Sverrisdóttir.