Hraðkvöld hjá Helli mánudaginn 18. janúar nk.

Taflfélagið Hellir heldur hraðkvöld mánudaginn 18. janúar og hefst mótið kl. 20:00. Tefldar verða 7 umferðir með sjö mínútna umhugsunartíma.  Teflt er í félagsheimili Hellis í Álfabakka 14a í Mjóddinni. 

Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Brynjar og Dawid sigruðu á fyrstu æfingum ársins.

Brynjar Steingrímsson sigraði á fyrstu æfingu ársins sem fram fór 4. janúar sl. Brynjar lagði alla andstæðinga sína og fékk 5v. Annar varð Dawid Kolka með 3v eins og Heimir Páll Ragnarsson en Dawid var hærri á stigum og hlaut annað sætið en Heimir það þriðja. Á annarri æfingunni sem haldin var 11. janúar sl. höfðu Brynjar og Dawid sætaskipti. Dawid fékk 4,5v í fimm skákum og varð í efsta sæti í fyrsta skipti á þessum æfingum. Brynjar varð annar með 4v og eins og á fyrstu æfingunni varð Heimir Páll þriðji með 3,5v.

Þau sem tóku þátt í þessum æfingum voru: Brynjar Steingrímsson, Dawid Kolka, Heimir Páll Ragnarsson, Damjan Dagbjartsson, Gauti Páll Jónsson, Jóhannes Guðmundsson, Sigurður Kjartansson, Róbert Leó Jónsson, Jóhann Bernhard Jóhannsson, Donika Kolica, Friðrik Daði Smárason, Elías Lúðvíksson, Aron Pétur Árnason, Vignir Vatnar Stefánsson og Kristján Lúðvíksson.