Hraðkvöld hjá Helli mánudaginn 18. október nk.

Taflfélagið Hellir heldur hraðkvöld mánudaginn 18. október og hefst mótið kl. 20:00. Tefldar verða 7 umferðir með sjö mínútna umhugsunartíma.  Teflt er í félagsheimili Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Dawid sigrar á æfingu

Dawid Kolka sigraði á Hellisæfingu sem fram fór 11. október sl. Dawid fékk 4,5v í fimm skákum. Næstir komu svo Vignir Vatnar Stefánsson, Mykhael Kravchuk og Heimir Páll Ragnarsson en eftir stigaútreikning fékk Vignir annað sætið og Mykhael það þriðja. Dálítið athyglisvert að á þessari fjölmennu og vel skipuðu æfingu skildu tveir yngstu þátttakendurnir ná öðru og þriðja sætinu og Mykhael strax í verðlaunasæti þótt hann sé ný byrjaður á æfingunum.

Þau sem tóku þátt í æfingunni voru: Dawid Kolka, Vignir Vatnar Stefánsson, Mykhael Kravchuk, Heimir Páll Ragnarsson, Elías Lúðvíksson, Gauti Páll Jónsson, Jón Otti Sigurjónsson, Aron Pétur Árnason, Damjan Dagbjarsson, Donika Kolica, Ardit Bakic, Hilmir Hrafnsson, Felix Steinþórsson, Sæþór Atli Harðarson, Viktor Ísar Stefánsson, Magnús Hjaltested, Óttar Finnsson, Jóhannes Guðmundsson, Axel Óli Sigurjónsson, Gunnar Hrafn Kristjánsson og Daníel Már Daðason.

Ardit efstur á æfingu

Ardit Bakic og Donika Kolica urðu efst og jöfn með 4v í fimm skákum á Hellisæfingu sem fram fór 4. október sl. Eftir stigaútreikning hafi Ardit nauman sigur og fékk fyrsta sætið og Donica varð önnur. Þriðji varð svo Felix Steinþórsson með 3,5v og náði þar með í fyrsta sinn í verðlaun á þessum æfingum.

Þau sem tóku þátt í æfingunni voru: Ardit Bakic, Donika Kolica, Felix Steinþórsson, Dawid Kolka, Damjan Dagbjartsson, Hilmir Hrafnsson, Vignir Vatnar Stefánsson, Mykhael Kravchuk, Magnús Hjaltested, Heimir Páll Ragnarsson, Aron Pétur Árnason, Sæþór Atli Harðarson, Óttar Finnsson og Jóhannes Guðmundsson.