Atkvöld hjá Helli mánudaginn 4. október nk.

Taflfélagið Hellir heldur atkvöld mánudaginn  4. október 2010 og hefst mótið kl. 20:00. Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með tuttugu mínútna umhugsun. Teflt er í félagsheimili Hellis í Álfabakka 14a í Mjóddinni.

Það er farið að styttast í Íslandsmót skákfélaga og því er þetta kjörið tækifæri fyrir skákmenn sem ekki eru uppteknir af því að tefla annar staðar að undirbúa sig fyrir átökin um næstu helgi. Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Í tilefni af því að nú er uppskerutími í grænmetisgörðum landsmanna og uppskeran í garði formanns Hellis er með afbrigðum góð verða dregin út tvenn aukaverðlaun úr garðinum.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Róbert sigraði á hraðkvöldi Hellis

Róbert Lagerman sigraði örugglega með fullu húsi 7v í sjö skákum á hraðkvöldi Hellis sem fram fór 27. september sl. Það vafðist ekki fyrir Róbert að æfingin var vel skipuð og hópurinn nokkuð þéttur og fjölmennur. Jöfn í 2. og 3 sæti voru svo Stefán Bergsson og Elsa María Kristínardóttir með 5v.

Eins og fyrri sigurvegar fékk Róbert það hlutverk að draga í happdrættinu. Ekki var annað að heyra á mönnum að það væri a.m.k. ekki minni áhugi á grænmetinu en pizzunni. 

Lokastaðan á hraðkvöldinu:

Nr.      Nafn                                       Vinn.  M-Buch. Buch. Progr.

   1     Róbert Harðarson,                      7        21.5  30.0   28.0
 2-3    Stefán Bergsson,                       5        20.5  29.0   22.0
          Elsa María Kristínardóttir,           5        20.0  29.0   20.0
 4-5    Guðmundur Kristinn Lee,            4.5     21.0  31.0   20.5
          Sæbjörn Guðfinnsson,                4.5     18.5  25.5   16.5
6-11   Páll Andrason,                            4        21.5  31.5   15.0
          Eiríkur Örn Brynjarsson,             4        18.5  27.5   18.0
          Jón Úlfljótsson,                           4        18.5  27.5   15.5
          Magnús Matthíasson,                 4        18.5  24.0   16.0
          Birkir Karl Sigurðsson,                 4        18.0  25.0   16.0
          Vigfús Ó.Vigfússon,                    4        17.5  23.5   14.0
 12     Gunnar Finnsson,                       3.5     21.5  30.5   18.0
13-17 Örn Leó Jóhansson,                   3        18.5  25.5   15.0
          Rafn Jónsson,                             3        17.0  23.0   14.0
          Stefán Már Pétursson,                3        16.0  21.5   12.0
          Leifur Eiríksson,                          3        15.0  21.0   11.0
          Gunnar Nikulásson,                    3        14.5  20.5   10.0
18-20 Vignir Vatnar Stefánsson,          2        15.5  21.5    7.0
           Heimir Páll Ragnarsson,            2        13.5  18.5    4.5
           Brynjar Steingrímsson,              2        12.5  17.0    8.0
 21     Estanislao Plantada,                  1.5     13.0  19.0    5.0
 22     Davíð Kolka,                               1        12.0  17.5    2.0

Brynjar með fullt hús á æfingu.

Brynjar Steingrímsson var öryggið uppmála á síðustu æfingu sem fram fór 27. september sl og sigraði með 5v í jafn mörgum skákum. Annar varð Heimir Páll Ragnarsson með 4v og þriðji varð Vignir Vatnar Stefánsson einnig með 4v en lægri á stigum.

Þau sem tóku þátt í æfingunni voru: Brynjar Steingrímsson, Heimir Páll Ragnarsson, Vignir Vatnar Stefánsson, Davíð Kolka, Jóhannes Guðmundsson, Donika Kolica, Gauti Páll Jónsson, Felix Steindórsson, Mykhael Kravchuk, Hilmir Hrafnsson, Sæþór Atli Harðarson, Jón Otti Sigurjónsson, Elías Lúðvíksson, Ardit Bakic, Aron Pétur Árnason, Magnús Hjaltested, Damjan Dagbjartsson og Viktor Ísar Stefánsson.