Jólapakkamót Hellis 2010

Jólapakkamót Hellis verður haldið laugardaginn 18. desember nk. í Ráðhúsi Reykjavíkur. Mótið hefst kl. 13 og er ókeypis á mótið.

Keppt verður í allt að 5 flokkum: Flokki fæddra 1995-1997, flokki fæddra 1998-99, flokki fæddra 2000-2001 og flokki fæddra 2002 og síðar og peðaskák fyrir þau yngstu. Tefldar verða 5 umferðir með 10 mínútna umhugsunartíma á mann. Jólapakkar eru í verðlaun fyrir 3 efstu sætin í hverjum aldursflokki fyrir sig fyrir bæði drengi og stúlkur. Auk þess verður happdrætti um 3 jólapakka í hverjum aldursflokki fyrir sig. 

Fljótlega verður opnað fyrir skráningu á mótið hérna á heimasíðu Hellis.

Örn Leó efstur á hraðkvöldi

 

Örn Leó Jóhannsson sigraði á jöfnu og spennandi hraðkvöldi Hellis sem fram fór 29. nóvember sl. Fyrir síðustu umferð voru Örn Leó og Örn Stefánsson efstir og jafnir með 5v. Væntanlega hefur Örn Stefánsson verið hærri á stigum því hann fékk Jón Úlfljótsson í lokaumferðinni  og mátti sætta sig við tap meðan Örn Leó lagði Pétur Jóhannesson örugglega í þetta sinn. Niðurstaðan varð því að Örn Leó sigraði. Vigfús skaust í annað sætið í lokaumferðinni og Örn Stefánsson varð þriðji.

Nr. Nafn                                        Vinn.   M-Buch. Buch. Progr.

  1   Örn Leó Jóhannsson,                  6        17.5  23.0   22.0

  2   Vigfús Ó. Vigfússon,                 5.5       19.5  25.5   22.5

  3   Örn Stefánsson,                          5        21.0  29.0   21.0

  4   Jón Úlfljótsson,                        4.5        18.5  24.5   18.0

  5  Kristinn Andri Kristinsson,            4        16.5  22.5   13.0

  6   Elsa María Kristínardóttir,           4        15.5  21.0   15.0

  7   Eggert Ísólfsson,                        3        19.5  26.5   14.5

  8   Dawid Kolka,                              2        17.0  22.5    9.0

  9   Björgvin Kristbergsson,              1        17.5  23.5    5.0

 10   Pétur Jóhannesson,                   0        20.0  27.0    0.0