Hraðkvöld hjá Helli mánudaginn 13. desember nk.

Taflfélagið Hellir heldur hraðkvöld mánudaginn 13. desember og hefst mótið kl. 20:00. Tefldar verða 7 umferðir með sjö mínútna umhugsunartíma.  Teflt er í félagsheimili Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Jóhann Arnar sigrar á æfingu

Þa voru þrír efstir og jafnir á æfingunni sem fram fór 6. desember sl. Jóhann Arnar Finnsson, Dawid Kolka og Vignir Vatnar Stefánsson fengu allir 4v í fimm skákum. Það þurfti því stigútreikning til að sker úr um sætin og hlaut þá Jóhann Arnar fyrsta sæti, Dawid annað sæti og Vignir Vatnar það þriðja.

Næsta æfing verður mánudaginn 13. desember og hefst kl. 17.15.

Þau sem tóku þátt í æfingunni voru: Jóhann Arnar Finnsson, Dawid Kolka, Vignir Vatnar Stefánsson, Gauti Páll Jónsson, Donika Kolica, Jóhannes Guðmundsson, Heimir Páll Ragnarsson, Viktor Ísar Stefánsson, Hilmir Hrafnsson, Magnús Hjaltested, Dritero Kolica og Orri Grétar Valgeirsson.