Dawid efstur á æfingu

Dawid Kolka sigraði á Hellisæfingu sem fram fór 17. október sl. Dawid fékk 4,5v í fimm skákum og leyfði aðeins eitt jafntefli á móti Gauta Páli. Annar varð Gauti Páll Jónsson, Róbert Leó Jónsson og Jón Otti Sigurjónsson komu næstir með 4v. Gauti Páll var fremstur þeirra á stigum og hlaut annað sætið. Næstur á stigum varð Róbert Leó og hlaut hann þriðja sætið og fjórði varð Jón Otti.

Þau sem tóku þátt í æfingunni voru: Dawid Kolka, Gauti Páll Jónsson, Róbert Leó Jónsson, Felix Steinþórsson, Jón Otti Sigurjónsson, Vignir Vatnar Stefánsson, Kári Georgsson, Jakob Alexander Petersen, Björn Hólm Birkisson, Birgir Jarl Aðalsteinsson, Felix Steinþórsson, Heimir Páll Ragnarsson, Sonja María Friðriksdóttir, Sigurður Fannar Finnsson, Bárður Örn Birkisson, Axel Óli Sigurjónsson, Stefan Briem, Óskar Víkingur Davíðsson, Pétur Steinn Atlason, Sindri Snær Kristófersson, Kamilla Burasevska, Baltasar Máni Wetholm og Birgir Logi Steinþórsson.

Næsta mánudag 24. október hefst svo unglingameistaramót Hellis nokkru fyrr en venjuleg æfing eða kl. 16.30. Mótið kemur í stað hefðbundinnar æfingar. Unglingameistaramótinu verður svo fram haldið þriðjudaginn 25. október kl. 16.30. Næsta hefðbundna æfing verður svo 31. október nk. og hefst kl. 17.15. Unglingameistaramótið eins og æfingarnar eru í Álfabakka 14a í Mjóddinni. Inngangur milli Fröken Júlíu og Subway og salurinn er á 3 hæð.

 

Elsa María öruggur sigurvegari á hraðkvöldi

Elsa María Kristínardóttir sigraði örugglega með fullu húsi 7v í jafn mörgum skákum á hraðkvöldi Hellis sem fram fór 17. október. Elsa María varð heilum tveimur vinningum á undan næsta manni og var því auðvitað búin að tryggja sér sigurinn fyrir síðustu umferð. Önnur varð Jóhanna Björg Jóhannsdóttir með 5v og þriðja sætinu náði Atli Jóhann Leósson sem var með 4,5v eins og Örn Stefánsson og Jón Úlfljótsson en Atli Jóhann var hærri á stigum.

Lokastaðan:

Nr.  Nafn                                       vinn.    M-Buch.  Buch.  Progr.

 1.   Elsa María Kristínardóttir,         7           19.5     27.0   28.0

 2.   Jóhanna Björg Jóhannsdóttir,   5           17.5     27.0   21.5

 3.   Atli Jóhann Leósson,                4.5         21.0     29.5   20.5

 4.   Örn Stefánsson,                       4.5         17.5     24.0   17.0

 5.   Jón Úlfljótsson,                         4.5         17.0     25.5   16.5

 6.   Vigfús Ó. Vigfússon,                  4            20.0     27.5   15.0

 7.   Vignir Vatnar Stefánsson,          4           16.0     23.5   15.0

 8.   Stefán Már Pétursson,              3.5         20.0     29.5   13.5

 9.   Kristófer Ómarsson,                   3           19.5     27.0   13.0

10.  Óskar Long,                               3           16.5     22.0   12.0

11.  Ingvar Egill Vignisson,                3           16.5     22.0    8.0

12.  Valtýr Birgisson,                         2           17.5     22.5   11.0

13.  Björgvin Kristbergsson,              1           14.5     20.0    5.0