Jólabikarmót Hellis fer fram föstudaginn 30. desember

Jólabikarmót Hellis fer fram föstudaginn 30. desember nk og hefst taflið kl. 19.30. Fyrirkomulagið verður þannig að tefldar verða hraðskákir með fimm mínútna umhugsunartíma og eftir Monrad kerfi. Eftir fimm töp falla keppendur úr leik. Þannig verður teflt þangað til einn stendur eftir og allir andstæðingarnir fallnir úr leik. Teflt er í félagsheimili Hellis í Álfabakka 14a í Mjóddinni.

Þrír efstu fá bikara í verðlaun. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Ný skáksíða Smára Rafns

Skákkennarinn Smári Rafn Teitsson hefur sett upp skáksíðu á engilsaxnesku.  Slóðin á hana má finna hér:  http://chessproducts.co.uk/

Smári er búinn að setja nú þegar 90 flokkaðar þrautir á hana og nokkrar skákir, og mun bæta við jafnt og þétt.  Einnig er hann með flipa fyrir byrjendur, það stæði mun stækka líka.

Síðan verður aðgengileg á tenglasafninu til vinstri undir ,,Ýmsir tenglar".  

Dawid efstur á síðustu æfingu ársins og einnig með góða forystu í stigakeppninni

Dawid Kolka sigraði á síðustu æfingu ársins með 5,5v í sex skákum og gerði aðeins jafntefli við Heimi Pál. Annar varð Vignir Vatnar Stefánsson með 5v og þriðji Felix Steinþórsson með 4v. Þeir þrír Dawid, Vignir og Felix eru einnig efstir í stigakeppni vetrarins og í sömu röð og úrslitin á þessari æfingu.

Þeir sem tóku þátt í æfingunni voru: Dawid Pawel Kolka, Vignir Vatnar Stefánsson, Felix Steinþórsson, Heimir Páll Ragnarsson, Róbert Leó Jónsson, Sigurður Kjartansson, Stephan Briem, Ívar Andri Hansson og Egill Úlfarsson.

Næsta æfing verður svo á nýju ári 9. janúar 2012 og hefst kl. 17.15. Æfingarnar eru í Álfabakka 14a í Mjóddinni. Inngangur milli Fröken Júlíu og Subway og salurinn er á 3 hæð.

Í lok vetrar verða veitt bókaverðlaun handa þeim sem mætt hafa best yfir veturinn en þegar veturinn er tæplega hálfnaður eru með besta mætingu:

Dawid Kolka                             16 mætingar

Heimir Páll Ragnarsson            16 ----"-----

Vignir Vatnar Stefánsson         15 ----"------

Pétur Steinn Atlason                14 ----"------

Sindri Snær Kristófersson         14 ----"------

Bárður Örn Birkisson                13 ----"------

Björn Hólm Birkisson                13 ----"------

Felix Steinþórsson                   13 ----"------

Jón Otti Sigurjónsson               12 ----"------

Axel Óli Sigurjónsson                11 ----"------

Birgir Logi Steinþórsson            10 ----"------

Óskar Víkingur Davíðsson         10 ----"------

Jakob Alexander Petersen         9 ----"------

Róbert Leó Jónsson                   9 ----"------

Gauti Páll Jónsson                      8 ----"------

Guðmundur Agnar Bragason      8 ----"------

Kamilla Burasevska                    8 ----"------

Kári Georgsson                          8 ----"------

Sigurður Fannar Finnsson          8 ----"------

Í stigakeppni vetrarins er svo Dawid efstur með 32 stig og hefu 11 stiga forskot á Vignir en þeir tveir eru í nokkrum sérflokki.

Efstir í stigakeppninni:

1. Dawid Kolka                                     32 stig

2. Vignir Vatnar Stefánsson                 21   -

3. Felix Steinþórsson                           11  -

4. Gauti Páll Jónsson                             8  -

5. Jakob Alexander Petersen                5  -

6. Pétur Steinn Atlason                         3  -

7. Róbert Leó Jónsson                          3  -

8. Sonja María Friðriksdóttir                  3  -