Atkvöld hjá Helli mánudaginn 11. apríl

Taflfélagið Hellir heldur atkvöld mánudaginn 11. apríl nk. og hefst taflið kl. 20:00. Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með fimmtán mínútna umhugsun. Um er ræða styttingu á umhugsunartíma þannig að æfingin ætti að vera lokið um kl. 22. Teflt er í félagsheimili Hellis í Álfabakka 14a í Mjóddinni. 

Sigurvegarinn fær í verðlaun pizzu frá Dominos Pizzum. Þá verður einnig dreginn út af handahófi annar keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri)

Vignir Vatnar efstur á æfingu

Vignir Vatnar Stefánsson og Hilmir Freyr Heimisson voru efstir og jafnir með 4v eftir 5 skákir á Hellisæfingu sem haldin var 4. apríl sl. Eftir stigaútreikning var Vignir úrskurðaur sigurvegari og Hilmir hlaut annað sætið. Næstir komu Dawid Kolka og Jón Otti Sigurjónsson með 3,5v og þurfti því aftur að grípa til stigaútreiknings og þar hafði Dawid betur og hlaut þriðja sætið.

Næsta mánudag 11. apríl nk verður páskaeggjamót Hellis og hefst það aðeins fyrr en venjulegar má nudagsæfingar eða kl. 17.00. Teflt er í félagsheimili Hellis í Álfabakka 14a í Mjóddinni.

Þeir sem tóku þátt í æfingunni voru: Vignir Vatnar Stefánsson, Hilmir Freyr Heimisson, Dawid Kolka, Jón Otti Sigurjónsson, Felix Steinþórsson, Ástþór Árni Ingólfsson, Gauti Páll Jónsson, Mikael Kravchuk, Damjan Dagbjartsson, Ágúst Unnar Kristinsson, Axel Óli Sigurjónsson, Elías Lúðvíksson, Magnús Hjaltested og Guðjón Sveinbjörnsson.

Vigfús efstur á hraðkvöldi

Vigfús Ó. Vigfússon sigraði með 6v í sjö skákum á hraðkvöldi Hellis sem fram fór 4. apríl sl. Vigfús tapaði ekki skák en gerði jafntefli við Jón Úlfljótsson og Sæbjörn Guðfinnsson í spennandi skákum þar sem mikið gekk á og hann náði jafntefli nánast fallinn á tíma í annarri skákinni og hinni náði hann að knýja fram jafntefli þótt hann væri fallinn. Í öðru sæti varð Jón Úlfljótsson með 5,5v en hann tapaði einnig ekki skák en gerði þrjú jafntefli. Næst komu svo Sæbjörn, Elsa María og Jóhanna Björg með 4,5v.

Lokastaðan á hraðkvöldinu:

1.   Vigfús Ó. Vigfússon                 6v/7

2.   Jón Úlfljótsson                         5,5v

3.   Sæbjörn Guðfinnsson              4,5v

4.   Elsa María Kristínardóttir         4,5v

5.   Jóhanna Björg Jóhannsdóttir  4,5v

6.   Björgvin Kristbergsson            4v

7.   Birkir Karl Sigurðsson               3,5v

8.   Hjálmar Sigurvaldason             3,5v

9.   Dawid Kolka                             3v

10. Daday Casaba                         3v

11. Gunnar Nikulásson                   3v

12. Arnar Valgeirsson                     2,5v

13. Pétur Jóhannesson                  1,5v