Barna- og unglingaæfingar Hellis

Barna- og unglingaæfingar Hellis hefjast aftur eftir sumarhlé mánudaginn 5. september 2011. Taflið byrjar kl. 17:15 og fyrirkomulagið verður það sama og síðasta vetur.  Æfingarnar eru opnar öllum 15 ára og yngri. Engin þátttökugjöld.

Æfingarnar verða haldnar í félagsheimili Hellis í Álfabakka 14a, Mjódd. Inngangur er milli Subway og Fröken Júlíu en salur félagsins er á þriðju hæð hússins. Á æfingunum verða 5 eða 6 umferðir með umhugsunartíma 10 eða 7 mínútur. Einnig verður farið í dæmi og endatöfl eins og tíma vinnst til. Umsjón með æfingunum hefur Vigfús Ó. Vigfússon.

Elsa María sigraði á atkvöldi

Það var fámennt en góðmennt á atkvöldi Hellis sem fram fór 15. ágúst sl. Sex keppendur mættu til leik og tefldu tvöfalda umferð. Elsa María og Jóhanna Björg endurtóku leikinn frá 14. febrúar sl. og tóku tvö efstu sætin. Nú var það hins vegar Elsa María sem varð efst með 8v í 10 skákum og Jóhanna önnur með 7v. Þriðji varð svo Sæbjörn Guðfinnsson með 6,5v.

Lokastaðan:

1.   Elsa María Kristínardóttir           8v/10

2.   Jóhanna Björg Jóhannsdóttir    7v

3.   Sæbjörn Guðfinnsson                6,5v

4.   Vigfús Ó. Vigfússon                   4,5v

5.   Örn Stefánsson                         4v

6.   Björgvin Kristbergsson              0v