Dawid efstur á æfingu.

Dawid Kolka sigraði á Hellisæfingu sem fram fór 21. mars sl. Dawid fékk 4,5v í fimm skákum og tryggði sigurinn með jafntefli við Nansý í síðustu umferð. Nansý, Heimir Páll og Gauti Páll fengu öll 3,5v og voru öll jöfn á stigum í fyrsta útreikningi. Í öðrum útreikningi voru Nansý og Heimir jöfn og fyrir ofan Gauta. Nansý náði svo öðru sætinu vegna sigurs í innbyrðis viðureigninni við Heimi og Heimir hlaut því þriðja sætið.

Þau sem tóku þátt í æfingunni voru: Dawid Kolka, Nansý Davíðsdóttir, Heimir Páll Ragnarsson, Gauti Páll Jónsson, Felix Steinþórsson, Hilmir Hrafnsson, Jóhann Arnar Finnsson, Elías Lúðvíksson, Kári Georgsson, Pétur Steinn Atlason, Jón Otti Sigurjónsson, Magnús Thorlacius, Ástþór Árni Ingólfsson, Joshua Davíðsson, Ásdís Birna Þórarinsdóttir, Magnús Pétur Hjaltested og Vignir Vatnar Stefánsson.