Framskák hjá Helli mánudaginn 28. mars nk.

Næstkomandi  mánudagskvöld 28. mars verður tefld framskák á skákæfingu hjá Taflfélaginu Hellir. Taflið hefst kl. 20:00 og verða tefldar verða 7 umferðir með sjö mínútna umhugsunartíma.  Teflt er í félagsheimili Hellis í Álfabakka 14a í Mjóddinni.

Tilefnið að þessu fyrirkomulagi er sú að skráður höfundur að þessari útgáfu skákarinnar Paul Frigge á 20 ára afmæli þennan dag. Í framskák er mönnunum aðeins leikið áfram en aldrei aftur á bak en Paul mun fara nánar í fyrirkomulagið áður en æfingin hefst. Jafntefli munu svo ekki vera til í framskák.

Sigurvegarinn á skákkvöldinu fær helming þátttökugjalda í verðlaun en að auki verður eins og á venjulegum skákkvöldum dreginn út af handahófi annar keppandi, sem fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).