Vignir Vatnar efstur á æfingu

Vignir Vatnar Stefánsson og Dawid Kolka urðu efstir og jafnir með 4,5v í fimm skákum á Hellisæfingu sem fram fór 13. febrúar sl. Þeir gerðu jafntefli í innbyrðis viðureign sinni en unnu aðra andstæðinga. Eins og síðast þegar þeir voru jafnir var Vignir Vatnar úrskurðaður sigurvegari á stigum og Dawid hlaut annað sætið. Þriðji varð svo Róbert Leó Jónsson með 3,5v.

Í æfingunni tóku þátt: Vignir Vatnar Stefánsson, Dawid Kolka, Róbert Leó Jónsson, Pétur Steinn Atlason, Jón Þór Jóhannsson, Björn Hólm Birkisson, Egill Úlfarsson, Felix Steinþórsson, Axel Óli Sigurjónsson, Brynjar Haraldsson, Ívar Andri Hannesson, Sindri Snær Kristófersson og Elvar Þorsteinsson.

Næsta æfing verður svo haldin 20. febrúar nk. og hefst kl. 17.15. Æfingarnar eru í Álfabakka 14a í Mjóddinni. Inngangur milli Fröken Júlíu og Subway og salurinn er á 3 hæð.