Hellir sigraði Skákfélag Íslands í hraðskákkeppninni.

Skákfélag Íslands og Taflfélagið Hellir áttust við í kvöld í upphafi annarar umferðar Hraðskákkeppni taflfélaga og fór viðureignin fram í Hellisheimilinu.  Hellismenn tóku forustu strax í upphafi og bættu við hana stöðugt fram að fimmtu umferð sem Skákfélag Íslands vann örugglega og lagaði stöðun mikið. Síðustu umferð í fyrri hlutanum unnu Hellismenn svo með minnsta mun og leiddu í hálfleik 20,5-15,5. Í seinni hlutanum bættu Hellismenn í og unnu að lokum öruggan sigur 43,5v gegn 28,5v Skákfélags Íslands.

Andri og Davíð voru bestir þeirra sem tefldu fyrir Helli. Vegna forfalla á síðustu stundu í liði Skákfélags Íslands mættu þeir 5 til leiks og fengu mann að láni, Rúnar Berg sem stóð sig best þeirra sem tefldu fyrir Skákfélagið og fékk 7,5v og hélt þeim eiginlega á floti í fyrri hlutanum. Næstur þeirra var svo Örn Leó með 6v.

Árangur einstakra liðsmanna:

Hellir

• Davíð Ólafsson 10,5 v. af 12.
• Andri Grétarsson 11 v. af 12.
• Helgi Brynjarsson 2 v. af 8.
• Hallgerður Helga Þorsteinsdóttir 7,5 v. af 12.
• Jóhanna Björg Jóhannsdóttir 4,5 v. af 12.
• Elsa María Kristínardóttir 7 v. af 12.
• Vigfús Ó. Vigfússon 1 v. af 4.

Skákfélag Íslands (allir tefldu 12 skákir):

• Rúnar Berg 7,5 v.
• Patrekur Maron Magnússon 3,5 v.
• Örn Leó Jóhannsson 6 v.
• Kristján Örn Elíasson 5 v.
• Guðmundur Kristinn Lee 3 v.
• Dagur Kjartansson 3,5 v.