Dawid efstur í eldri flokki og Óskar í yngri flokki á æfingu 24. september

Á æfingunni 24. september var teflt í tveimur flokkum eftir aldri. Skipt var þannig að þeir sem voru fæddir 2003 og síðar tefldu í yngri flokki og í eldri flokki voru þeir sem voru fæddir 2002 og fyrr tefldu í eldri. Í þann flokk bættust svo þeir sem voru fæddir 2003 og höfðu skákstig sem reyndar var bara einn sem það gerði.

Í eldri flokki voru Dawid Kolka og Vignir Vatnar efstir og jafnir með 4,5v. Þeir gerðu jafntefli í innbyrðis viðureign í 3. umferð en unnu aðra andstæðinga sína. Dawid hlaut svo 1. sætið eftir stigaútreikning. Þriðja sætinu náði svo Felix Steinþórsson með 3v og hærri stig en Bárður Örn Birkisson, Björn Hólm Birkisson og Oddur Þór Unnsteinsson sem einnig voru með 3v.

Í yngri flokki var Óskar Víkingur Davíðsson efstur með fullt hús 5v í jafn mörgum skákum. Annar var Halldór Atli Kristjánsson með 3,5v og þriðja sætinu náði Friðrik Helgi Eyjólfsson með 3v og hærri stig en Stefán Karl Stefánsson og Brynjar Haraldsson sem einnig voru með 3v.

Í æfingunni tóku þátt: Dawid Kolka, Vignir Vatnar Stefánsson, Felix Steinþórsson, Bárður Örn Birkisson, Björn Hólm Birkisson, Oddur Þór Unnsteinsson, Heimir Páll Ragnarsson, Alec Elías Sigurðarson, Sigurður Kjartansson, Birgir Ívarsson, Árni Pétur Árnason, Óskar Víkingur Davíðsson, Halldór Atli Kristjánsson, Friðrik Helgi Eyjólfsson, Stefán Karl Stefánsson, Brynjar Haraldsson, Karvel Geirsson, Pétur Ari Pétursson, Stefán Orri Davíðsson, Sveinn Sölvi Petersen, Sindri Snær Kristófersson og Kristófer Stefánsson.

Næsta æfing verður svo mánudaginn 1. október nk. og hefst kl. 17.15. Æfingarnar eru haldnar í Álfabakka 14a í Mjóddinni, gengið inn á milli Subway og Föken Júlíu og salurinn er á þriðju hæð.