Vignir Vatnar efstur í eldri flokki og Halldór Atli í yngri flokki á æfingu 15. október.

Á æfingunni 15. október sl. var teflt í tveimur flokkum eftir aldri. Skipt var þannig að þeir sem voru fæddir 2003 og síðar tefldu í yngri flokki og í eldri flokki voru þeir sem voru fæddir 2002 og fyrr tefldu í eldri. Í þann flokk bættust svo þeir sem voru fæddir 2003 og höfðu skákstig og svo Óskar sem sigraði í yngri flokki þegar þetta fyrirkomulag var síðast.

Í eldri flokki sigraði Vignir Vatnar Stefánsson með 4,5v í 5 skákum. Það var oft hart sótt að Vigni á æfingunni en hann sýndi oft þrautseigju í erfiðum stöðum og hve úrræðagóður hann er við slíkar aðstæður og hafði sigurinn að lokum. Jafnir með 4v voru Dawid Kolka og Heimir Páll Ragnarsson en Dawid fékk annað sætið á stigum og Heimir Páll það þriðja.

Í yngri flokki var Halldór Atli Kristjánsson efstur með fullt hús 5v í jafn mörgum skákum. Annar var Axel Óli Sigurjónsson með 4v og þriðja sætið fékk svo Karvel Geirsson með 3v og hærri stig en Ívar Andri Hannesson, Stefán Karl Stefánsson, Grímur Arnar Ámundason og Egill Úlfarsson sem einnig voru með 3v.

Í æfingunni tóku þátt: Vignir Vatnar Stefánsson, Dawid Kolka, Heimir Páll Ragnarsson, Felix Steinþórsson, Björn Hólm Birkisson, Óskar Víkingur Davíðsson, Bárður Örn Birkisson, Alec Elías Sigurðarson, Arnar Hauksson, Sigurður Kjartansson, Birgir Ívarsson, Árni Pétur Árnason, Oddur Þór Unnsteinsson og Jón Otti Sigurjónsson, Halldór Atli Kristjánsson, Axel Óli Sigurjónsson, Karvel Geirsson, Ívar Andri Hannesson, Stefán Karl Stefánsson, Grímur Arnar Ámundason, Egill Úlfarsson, Friðrik Helgi Eyjólfsson, Brynjar Haraldsson, Kristófer Stefánsson, Sindri Snær Kristófersson, Kjartan Helgi Guðmundsson og Sveinn Sölvi Petersen.

Næsta æfing verður svo mánudaginn 22. október nk. og hefst kl. 17.15. Æfingarnar eru haldnar í Álfabakka 14a í Mjóddinni, gengið inn á milli Subway og Föken Júlíu og salurinn er á þriðju hæð.