Dawid efstur í eldri flokki og Axel Óli í yngri flokki á æfingu 19. nóvember.

Á æfingunni 19. nóvember sl. var teflt í tveimur flokkum eftir aldri og hvort þátttakendur væru með skákstig. Auk þess bættust við Óskar, Halldór Atli og Mikhael sem unnu yngri flokkinn í þau þrjú skipti sem þetta fyrirkomulag hefur verið áður.

Í eldri flokki vann Dawid Kolka alla andstæðinga sína og sigraði með 5v í fimm skákum. Næstir komu Bjarni Guðmundsson og Heimir Páll Ragnarsson með 4v og fékk Bjarni annað sætið eftir stigaútreiking og Heimir Páll það þriðja. Eins og í vikunni á undan var tíminn nýttur vel í þessum flokki og kláraðist hann töluvert seinna en yngri flokkurinn.

Yngri flokki vann Axel óli Sigurjónsson örugglega með 5v í jafn mörgum skákum. Annar var Stefán Karl Stefánsson með 4v og þriðja sætið fékk svo Sindri Snær Kristófersson með 3v eins og Brynjar Haraldsson og Þorsteinn Emil Jónsson en Sindri Snær var hærri á stigum.

Í æfingunni tóku þátt: Dawid Kolka, Bjarni Guðmundsson, Heimir Páll Ragnarsson, Felix Steinþórsson, Birgir Ívarsson, Jón Otti Sigurjónsson, Óskar Víkingur Davíðsson, Brynjar Bjarkason, Alec Sigurðarson, Björn Hólm Birkisson, Burkni Björnsson, Oddur Þór Unnsteinsson, Bárður Örn Birkisson, Sigurður Kjartansson, Mikhael Kravchuk, Helgi Svanberg Jónsson, Erik Daníel Jóhannesson, Halldór Atli Kristjánsson, Axel Óli Sigurjónsson, Stefán Karl Stefánsson, Sindri Snær Kristófersson, Brynjar Haraldsson, Þorsteinn Emil Jónsson, Egill Úlfarsson, Ívar Andri Hannesson, Pétur Ari Pétursson og Stefán Orri Davíðsson.

Næsta æfing verður svo mánudaginn 26. nóvember nk. og hefst kl. 17.15. Æfingarnar eru haldnar í Álfabakka 14a í Mjóddinni, gengið inn á milli Subway og Föken Júlíu og salurinn er á þriðju hæð.