Jólapakkaskákmót Hellis verður haldið laugardaginn 22. desember.

Jólapakkaskákmót Hellis verður haldið laugardaginn 22. desember nk. í Ráðhúsi Reykjavíkur. Mótið hefst kl. 13 og er ókeypis á mótið. Óttarr Proppé borgarfulltrúi setur mótið og leikur fyrsta leikinn. Mótið er fyrir börn og unglinga og fer nú fram í 15. skipti en það var fyrst haldið fyrir jólin 1996. Síðan hefur það verið haldið nánast á hverju ári og hefur alltaf verið eitt fjölmennasta skákmót ársins.
 
Keppt verður í allt að 5 flokkum: Flokki fæddra 1997-1999, flokki fæddra 2000-2001, flokki fæddra 2002-2003 og flokki fæddra 2004 og síðar og peðaskák fyrir þau yngstu. Tefldar verða 5 umferðir með 10 mínútna umhugsunartíma á mann. Jólapakkar eru í verðlaun fyrir 3 efstu sætin í hverjum aldursflokki fyrir sig fyrir bæði drengi og stúlkur. Auk þess verður happdrætti um 3 jólapakka í hverjum aldursflokki fyrir sig og í lokin verður happdrætti fyrir alla þátttakendur þar sem m.a. verður dregin út spjaldtölva frá Tölvulistanum. Allir keppendur verða svo leystir út með nammipoka frá Góu. Skráning á mótið er hér á heimasíðu Hellis: