Vignir Vatnar efstur í eldri flokki og Þorsteinn Emil í yngri flokki.

Á æfingunni sem haldin var 4. febrúar sl. var skipt í eldri og yngri flokk og svo fóru þeir sem höfðu skákstig allir í eldri flokkinn. Sigurvegari í síðasta yngri flokki fylgir svo með yfir í eldri flokk. Þessi aðferð hefur gefist ágætlega þar sem styrkleikabil er milli þátttakenda á æfingunni er nokkuð mikið og með þessu tefla menn  þá sem eru áþekkari að getu. Vignir Vatnar Stefánsson sigraði með 4,5v af fimm mögulegum í eldri flokki og gerði aðeins jafntefli við Dawid Kolka. Annar varð svo Dawid Kolka með 4,5 vinninga en hann gerði einnig jafntefli við Felix Steinþórsson. Þriðji varð svo Felix Steinþórsson með 3,5v. Í yngri flokki var Þorsteinn Emil Jónsson efstur með 4v af fimm mögulegum. Næstir komu Stefán Orri Davíðsson, Egill Úlfarsson og Ívar Andri Hannesson með 3,5v. eftir stigaútreikning fékk Stefán Orri annað sætið, Egill það þriðja og Ívar Andri það fjórða.

Í æfingunni tóku þátt: Vignir Vatnar Stefánsson, Dawid Kolka, Felix Steinþórsson,  Björn Hólm Birkisson, Sigurður Kjartansson, Óskar Víkingur Davíðsson, Heimir Páll Ragnarsson, Helgi Svanberg Jónsson, Bárður Örn Jónsson, Burkni  Björnsson, Birgir Ívarsson, Stefán Karl Stefánsson, Brynjar Bjarkason, Þorsteinn Emil Jónsson, Stefán Orri Davíðsson, Egill Úlfarsson, Ívar Andri Hannesson, Pétur Ari Pétursson, Arnar Jónsson, Sindri Snær Kristófersson, Þórður Hólm Hálfdánarson, Ólafur Steinn Ketilbjörnsson, Tinni Teitsson og Adam Omarsson.

Næsta æfing verður svo mánudaginn 11. febrúar nk. og hefst kl. 17.15. Þá verður teflt í tveimur flokkum eftir aldri og hvor þátttakendur hafi skákstig. Æfingarnar eru haldnar í Álfabakka 14a í Mjóddinni, gengið inn á milli Subway og Föken Júlíu og salurinn er á þriðju hæð.