Bárður efstur í eldri flokki og Halldór Atli í yngri flokki á æfingu 18. mars

Á æfingunni sem haldin var 18. mars sl. var skipt í eldri og yngri flokk eins og gert hefur verið á síðustu æfingum. Til viðbótar fara svo þeir sem hafa skákstig allir í eldri flokkinn og sigurvegari í yngri flokki á síðustu æfingu. Bárður Örn sigraði með 4,5v af fimm mögulegum í eldri flokki. Næstir komu Dawid Kolka og Mikhael Kravchuk með 4 vinninga en eftir stigaútreikning fékk Dawid annað sætið og Mikhael það þriðja. Í yngri flokkinn vann Halldór Atli Kristjánsson með í 6v í sjö skákum. Næstir komu Sindri Snær Kristófersson, Egill Úlfarsson, Brynjar Haraldsson og Birgir Logi Steinþórsson með 4v. Eftir mikinn stigútreikning var Sindri Snær úrskurðaður í öðru sæti og Egill í því þriðja.

Í æfingunni tóku þátt: Bárður Örn Birkisson, Dawid Kolka, Mikhael Kravchuk, Felix Steinþórsson, Heimir Páll Ragnarsson, Björn Hólm Birkisson, Óskar Víkingur Davíðsson, Alec Sigurðarson, Birgir Ívarsson, Oddur Unnsteinsson, Þorsteinn Magnússon, Stefán Karl Stefánsson, Sigurður Kjartansson, Halldór Atli Kristjánsson, Sindri Snær Kristófersson, Egill Úlfarsson, Brynjar Haraldsson, Birgir Logi Steinþórsson, Baltasar Máni Wetholm, Stefán Orri Davíðsson, Pétur Ari Pétursson, Ívar Andri Hannesson, Ingólfur Breki Arnaldarson, Adam Omarsson og Gunnlaugur Einarsson.

Páskaeggjamót Góu og Hellis verður haldið mánudaginn 23. mars nk. og hefst kl. 17.00 eða aðeins fyrr en venjuleg æfing og stendur svo dálítið lengur. Páskaeggjamótið kemur í stað æfingar. Tefldar verða 7 umferðir með 7 mínútna umhugsunartíma. Ókeypis er fyrir félagsmenn í Helli en fyrir aðra er þátttökugjald kr. 500. Keppt verður í tveimur flokkum eftir aldri. Skipting verður ákveðin með hliðsjón af skráningu þátttakenda í mótið en líkleg skipting er kringum árin 2003 og 2004. Páskaegg verða í verðlaun fyrir þrjú efstu sætin í báðum flokkum. Auk þess fær sá sem efstur er á hverju aldursári páskaegg í verðlaun. Að auki verða tvö páskaegg dregin út og efsta stúlka í hvorum flokki fær páskaegg í verðlaun. Enginn fær þó fleiri en eitt páskaegg.

Páskaeggjamótið verður haldið í félagsheimili Hellis að Álfabakka 14a í Mjóddinni. Inngangur er milli Subway og Fröken Júlíu en salur félagsins er á þriðju hæð hússins.