Oliver Aron efstur á Meistaramóti Hellis að loknum fimm umferðum

Oliver Aron Jóhannesson (2008) er efstur með 4,5 vinning að lokinni fimmtu umferð Meistaramóts Hellis sem fram fór í kvöld. Oliver vann Mikael Jóhann Karlsson (2068) í umferð kvöldins. Kjartan Maack (2128), sem vann Sævar Bjarnason (2116) og Sverrir Örn Björnsson (2100) sem hafði betur gegn Stefáni Bergssyni (2131), koma næstir með 4 vinninga. Sex skákmenn koma svo í humátt eftir með 3,5 vinning þannig að búast má við afar harðri baráttu í lokaumferðunum tveimur.

Lítið var um óvænt úrslit í kvöld en úrslit kvöldsins má finna hér.

Stöðu mótsins má finna hér.

Sjötta og næst síðasta umferð fer fram á morgun og hefjast kl. 19:30. Þá mætast meðal annars Oliver (4,5) - Sverrir Örn (4), Stefán (3,5) - Kjartan (4), Jón Árni (3,5) - Vigfús (3,5), Loftur (3,5) - Mikael (3,5) og Birkir Karl (3,5) - Vignir Vatnar (3). Pörun sjöttu umferðar má finna í heild sinni hér.

Paul Frigge sér um innslátt skáka og eru þær í næstu færslu fyrir neðan.

• Heimasíða Hellis
• Chess-Results