Dramatísk umferð

Sjöunda umferð Fiskmarkaðsmótsins var tefld í kvöld og er óhætt að segja að hún hafi verið sú mest spennandi til þessa og dramatísk í þokkabót   Bragi Þorfinnsson tapaði sinni fyrstu skák er hann gleymdi sér og féll á tíma gegn Omari Salama.  Hjörvar Steinn Grétarsson fórnaði og fórnaði gegn hinum egypska Sarwat en mátti sætta við tap í skák sem var æsispennandi.   Fróðlegt verður að sjá þá skák í meðförum Fritz.   

Björn Þorfinnsson lagði allt undir gegn Ingvari Þór Jóhannessyni og virtist ætla að hafa sigur en lukkudísirnar ákváðu að nú væri tími Ingvars runninn upp, sem vann sína þriðju skák í röð.  Sú skák var ekki síður spennandi en eins og sjá má á meðfylgjandi mynd fylgdust margir tímahraksbarningnum .   

Misiuga vann auðveldan sigur á Fonseca og Lenka vann Sævar.

Bragi og Sarwat eru efstir með 5 vinninga og Lenka er í þriðja sæti með 4,5 vinning.  

Áttunda og næstsíðasta umferð verður tefld á morgun og þá mætast m.a.: Lenka-Bragi, Omar-Sarwat og Ingvar-Sævar.

Taflið hefst kl. 17 og teflt er í Skákskólanum, Faxafeni 12.  Boðið verður upp á tékkneskar veitingar á morgun og í lokaumferðinni verður boðið upp á kínverskar veitingar!

Svo eftir mótið er það...............................ræktin