TK sigraði KR

Taflfélag Kópavogs sigraði Skákdeild KR. með minnsta mun, 36,5-35,5 í kvöld í 8 liða úrslitum í Hraðskákkeppni taflfélaga. Viðureignin, sem fram fór í Kópavogi, var gríðarlega spennandi og leiddi TK með einum vinningi í hálfleik. Einar Hjalti Jensson stóð sig best heimamanna en Jón Torfason stóð sig best gestanna.

 

Sem fyrr munaði mestu um frábæran árangur Kópavogsbúa á 1. og 2. borði. Einar Hjalti Jensson fékk 11 vinninga af 12 sem er mögnuð frammistaða þegar tillit er tekið til þess að hann teflir nær aldrei hraðskák né aðra skák þessi misserin.  Athyglivert er aðeins 4 skákmenn af 12 fengu meira en 50% vinningshlutfall. 

Árangur TK-inga:

Einar Hjalti Jensson 11 v. af 12
Hlíðar Þór Hreinsson 9 v.
Haraldur Baldrusson 5 v.
Jónas Jónasson 4 v.
Pétur Viðarsson 4 v.
Adolf H. Petersen 3,5 v.

Árangur KR-inga:

Jón Torfason 9 v. af 12
Bragi Kristjánsson 8,5 v.
Sigurður Herlufsen 5 v.
Gunnar Skarphéðinsson 4,5 v.
Ásgeir Överby 4,5 v.
Gunnar Gunnarsson 4 v.

Önnur umferð (8 liða úrslit):

Taflfélag Reykjavíkur-Taflfélag Vestmannaeyja 46-26
Taflfélag Kópavogs-Skákdeild KR 36,5-35,5
Taflfélagið Hellir-Skákdeild Hauka (25. ágúst, kl. 20, í Hellisheimilinu)
Skákfélag Selfoss og nágrennis-Skákfélag Akureyrar (25. ágúst á Selfossi)

Úrslit 1. umferðar:

Skákfélag Selfoss og nágrennis - Skákfélag Reykjanesbæjar 42-30
Skákdeild Fjölnis - Skákdeild KR 34-38
Taflfélagið Hellir - Taflfélag Akraness 53,5-18,5
Taflfélag Kópavogs - Taflfélag Bolungarvíkur 40,5-31,5
Taflfélag Garðabæjar - Skákfélag Akureyrar 46-26
Skákdeild, Taflfélag Reykjavíkur og Taflfélag Vestmannaeyja komust beint í 2. umferð

Það er Taflfélagið Hellir sem stendur fyrir Hraðskákkeppninni sem nú fer fram í 10. sinn.  Núverandi Íslandsmeistarar er Hrókurinn en Hellismenn hafa unnið langoftast eða 5 sinnum.