Barna- og unglingaæfingar veturinn 2004-05

Æfingarnar verða haldnar í félagsheimili Hellis í Álfabakka 14a, Mjódd. Inngangur er við hliðina á Sparisjóði Reykjavíkur en salur félagsins er á þriðju hæð hússins.

Á æfingunum verða 5 eða 6 umferðir með umhugsunartíma 10 eða 7 mínútur. Umsjón með unglingaæfingunum hefur Vigfús Ó. Vigfússon. Fyrri hluta vetrar mun félagið halda 3 mót á netinu sem verða sérstaklega fyrir börn og unglinga. Þetta verður kynnt nánar þegar nær dregur.

Á dagskrá er að halda annað alþjóðlegt barna- og unglingamót milli jóla og nýárs fyrir félagsmenn. Fjöldi innlendra keppenda tekur mið af fjölda erlendra keppenda. Miðað verður við að keppendur í mótinu hafi a.m.k. nokkra reynslu af þátttöku í kappskákmótum. Rétt er að taka fram að þetta mót er með þeim fyrirvara nægur fjöldi erlendra keppenda fáist til leiks og að foreldra keppenda geta verið beðnir um að taka að sér tiltekin verkefni varðandi mótahaldið

Stefnt er að því að fara í sambærilega keppnisferð og farin var til Vestmannaeyja síðasta vetur. Auk þess er unnið að því koma í kring keppnisferðinni til Akureyrar sem frestaðist síðasta vor.