Pistill 3. umferðar

 

Ekki var útlitið bjart hjá fyrsta borðs manni okkar honum Stefáni þar sem að Sergei Rublevsky (2600-ogeitthvaðmikið) var nýbúinn að refsa Kasparov fyrir að yfirgefa sveitina með því að svíða hann illa í hróksendatafli í gær.  Stefán ákvað að fara ótroðnar slóðir í skák sinni við Rublevsky enda hefur sá mjög gott skor á svart og er þekktur fyrir að tefla mikla teóríu. Því kom ekki til greina að fara í mainline sicilian og eins vildi Stebbi ekki tefla 2.c3 varíantainn sinn þar sem Rublevsky myndi pottþétt búast við því og vera vel undirbúinn. Því varð 2.b3 fyrir valinu. Stebbi fórnaði svo snemma peði og fékk fína sóknarstöðu. Því miður hafði hann þó eytt full miklum tíma í byrjunina sem hann hefði getað notað á krítískum punktum. Enda kom í ljós þegar við skouðum skákina eftirá að staðan var mjög vænleg á Stebba, jafnvel unnin. Eftir að það fjaraði út var hann með a.m.k. jafntelfi að því er virðist en lék skákinni niður í tímaleysinu og varð að sætta sig við tap.

 

Bjössi tefldi við Yandemirov á 2. borði.  Það er einhver athyglisverður uppstokkunar/svindl varíantur hjá Rússunum að hafa hann á öðru borði. Fyrir mótið höfðu þeir tilkynnt hann sem fyrsta varamann en þegar mótið byrjaði var hann orðinn 2. borð hjá þeim.  Væntanlega til aþess að rugla undirbúning andstæðinga? Yandemirov er allavega með 2488 og næstu menn fyrir neðan hann með 2611 og 2632 og loks er Kharlov með 2613 sem fyrsti varamaður! Allaega tefldi Bjössi gegn fjöruggar riddara tafli og reytti snema útaf skák sinni við Ugluna því að hann hélt að Rússinn væri að stefna á að fá þá stöðu. Mundi svo eftir því þegar hann hafði leikið ...d5 í stað ...d6 að hann hafði slegið skákina sjálfur inn í base-inn sinn þannig ða Rússinn hafði hana ekki. Skömuu síðar fórnaði bjössi skiptamun stöðulega og úr varð tvísýn skák. Virtist Bjössi vera að hafa yfirhöndina og var 1-2 peðum yfir en úr varð loks ævintýralegt þrátefli.

 

Á 3. borði fékk Sigurbjörn hvítt gegn Timofeev.  Sigurbjörn tefldi 2. c3 gegn sikileyjarvörninni og fékk að því er virtist nokkuð virka stöðu. Staka peðs stöður eru hinsvegar mjög vandmeðfarnar og ef að hvítur fær ekki gott attack eða nær að losa peðið með d5 breaki að þá situr hvítur oft uppi með þjáningu. Það er einmitt það sem gerðist,  Sigurbjörn missti af ...Be6 leik Timofeev og varð að skipta upp á hvítreita biskupnum sínum. Rússar eru annálaðir fyrir góða tækni og timofeev varð ekki skotaskuld úr því að skorða d4 peðið og ráðast á það og loks vinna það. Skömmu eftir það lagði Sigurbjörn niður vopn. Þrátt fyrir það fékk Sigurbjörn smá gleðifréttir því að ferðataskan hans skilaði sér allavega í dag J

 

Á 4. borði fékk ég svart gegn Valerij Filippov (besta vini Uglunnar).  Filippov þessi er með 2632 og mjög solid með hvítu.  Síðustu skákir hans í basenum voru þrjár sigurskákir í röð gegn Van Wely í Líbýu þannig að maður var ekkert sérstaklega bjartsýnn fyrir skákina.  Hann teflir leiðinleg system og m.a. teflir hann nánast módel skákir í byrjuninni sem ég ætlaði upphaflega að tefla gegn honum (ekkert gefið upp of mikið sko).  Ég valdi því að tefla Grunfeld gegn honum og fékk solid stöðu en hvítur með meira rými.  Hann missti hinsvegar af smá taktík hjá mér og var að velja milli þess að gefa drottningu fyrir hrók og mann eða lenda peði undir í endatafli með mislingum eða samlitum.  Reyndar var hann með virkari kalla og sjálfsagt örlítið betra, allavega frumkvæði.  Hann hinsvegar nýtti það ekki og eftir uppskipti þá varð drottningin mín virkari og loks þegar báðir voru komnir með 1-2 mínútur + viðbótartíma eftir á skákina að þá er ég komin með öruggt þrátefli.  Reyndi aðeins að tefla það áfram en var eitthvað stressaður við tilhugsunina og varð loks að sætta mig við jafntefli.  Hefði sjálfsagt unnið hvern sem er við sömu kringumstæður í t.d. Haustmóti TR J   Eftir umferðina vorum við svo að skoða skákina við Íslendingarnir þegar Ivanchuk gengur framhjá.  Hann lítur á stöðuna, gengur tvö skref áfram, horfir upp í lofið í 30 sekúndur...snýr svo við og prumpar einhverjum varíöntum útúr sér....takk fyrir innskotið Vassily!

 

Sigurður Daði tefldi við ungan IM með 2522.  Gaurinn teflir venjulega 1...c6 eða 1...e6 en ætlaði greinilega að refsa Daða í ákveðnu afbrigði Sikileyjarvarnar sem Daði hefur áður tapað í.  Daði sá hinsvegar við því og breytti um og Rússinn þurfti að hugsa sig vel um. Á þeim tímapunkti hefðum við reyndar viljað fá innáskiptingu a la Jói Ra og setja Slibba inn og leika a3 eins og hann gerði þegar hann fékk kolunnið gegn Epishin og Shaposhnikov.  En Daði lék f4 slökum leik en fékk teflandi stöðu.  Rússinn fékk líklega betra en valdi svo asnalegan stað fyrir riddarann á g7 í miðtaflinu og líklegast var jafntefli rétt niðurstaða þegar samið var.

 

Loks þurfti Kapitan að sætta sig við að tapa fyrir Kharlov (2613) þrátt fyrir að ná að jafna taflið að því er virtist úr kóngsindverskri vörn.  Kharlov er hinsvegar harður svíðari og hafði betur í þetta skiptið.  Kapitan var búinn að setja tóninn í fyrstu tveim, ná eina punktinum í fyrstu umferð og tryggja svo sigurinn á Nojurum í annarri umferð. Hinsvegar var Kapitan búinn að vara okkur við því að hann byrjaði alltaf vel og taflmennskunni hrakaði þegar liði á mótið. Við vonum að það verði breyting á því í þetta skiptið.

 

Einn og hálfur vinningur verður að teljast vel ásættanleg niðurstaða gegn þessari sveit og á tímabili leit jafnvel út fyrir að við næðum betri niðurstöðu (ég og bjössi hefðum getað unnið og jafnvel Stebbi líka).  Á morgun fáum við annað lið Finna og stefnum að sjálfsögðu á sigur.

 

Loks fylgir saga af verslunarferð Bjössa og félaga. Fóru að kaupa sér forláta jakka hjá local Tyrkjum hér. Fengu þeir eðal treatment, var boðið í kaffi og samningaviðræður.  Meðan drengirnir supu á tyrkneska kaffinu fengu þeir tilboð....680 Evrur one jacket!! Ekki voru samningaviðræður harðari en svo að drengirnir fóru í heim í jakka, 2 for 300 euros. 

 

Frá Cezme í Tyrklandi,

 

Ingvar Þór Jóhannesson