Hellir hafnaði í 24. sæti

Förum yfir árangur Hellisbúa í örstuttu máli:

1. Stefán Kristjánsson (2444) byrjaði illa, tapaði þremur fyrstu viðureignum fyrir sterkum stórmeisturum. Eftir það hrökk Stefán í gang, gerði 3 jafntefli við stórmeistara og vann svo í lokaumferðinni. Stefán fékk 2,5 vinning og lækkar um 2 stig.
2. FIDE-meistarinn Björn Þorfinnsson (2338) byrjaði ljómandi vel og virtist áfanginn nánast í höfn. Töp í 5. og 6. umferð gerðu áfangann erfiðan en Björn hafði stáltaugar og vann mikilvægan sigur í lokaumferðinni og áfanginn í hús! Björn fékk 3,5 vinning og samsvaraði árangur hans 2464 stigum og hækkar hann 18 stig fyrir frammistöðu sína!
3. FIDE-meistarinn Sigurbjörn J. Björnsson (2339) sem brilleraði á sama móti í fyrra náði sér aldrei á strik, fékk 1,5 vinning og lækkar um 14 stig
4. FIDE-meistarinn Ingvar Þór Jóhannesson (2310) var alltaf á mörkum þess að vera í áfangasénsum en það vantaði herslumanninn þar upp á. Ingvar fékk 3 vinninga og gerði jafntefli við ofurstórmeistarann Fillipov. Ingvar hækkar um 5 stig.
5. FIDE-meistarinn Sigurður Daði Sigfússon (2888) var einstaklega óheppinn að ná sér ekki í sinn fyrsta AM-áfanga. Óheppnin féllst í innáskiptinu Lúxemborgara í síðustu umferð þegar þeir hvíldu fimmta borðsmanninn og Daði fékk sjöttaborðsmanninn sem var of stigalár upp á meðalstig að gera í síðustu umferð. Daði fékk 5 vinninga og hækkar um 21 stig!
6. FIDE-meistarinn Andri Áss Grétarsson (2335) byrjaði glimrandi vel en úthaldið virðist ekki jafn gott hjá "gamla manninum" og "krökkunum" í sveitinni en Andri var aldursforseti enda orðinn hálffertugur! Andri fékk 2 vinninga og lækkar um 10 stig

Samtals græddi því sveitin 10 stig, einn áfanga, dýrmæta reynslu og skemmtilega ferð!

Franski klúbburinn Nao Chess Club sigraði rétt eins og fyrra en röð efstu sveita varð sem hér segir:

1	NAO Chess Club	7	5	2	0	12	31
2	Bosna Sarajevo	7	5	1	1	11	30
3	Ladya Kazan	7	5	1	1	11	27½
4	Max Ven Ekaterinburg	7	5	1	1	11	25
5	Polonia Plus GSM Warszawa	7	4	2	1	10	27
6	Tomsk 400	7	5	0	2	10	26½
7	Beer Sheva Chess Club	7	4	1	2	9	26½
8	C.E.M.C. Monaco	7	4	1	2	9	26½
9	Tiendas UPI	7	4	1	2	9	25½
10	Vesnianka Minsk	7	4	1	2	9	25

Hellir mætti sveitunum sem höfnuðu í 2. og 3. sæti.

Sveit Nao skipuðu:

1	GM	Adams Michael	2740	ENG	400041	4,5	7	4,90	-0,40	-4	2594	2683
2	GM	Grischuk Alexander	2704	RUS	4126025	4,0	5	3,35	0,65	7	2578	2688
3	GM	Bacrot Etienne	2718	FRA	605506	3,5	5	3,85	-0,35	-4	2511	2631
4	GM	Vallejo Pons Francisco	2678	ESP	2205530	3,5	5	3,30	0,20	2	2563	2594
5	GM	Lautier Joel	2682	FRA	600016	3,5	5	3,20	0,30	3	2578	2608
6	GM	Radjabov Teimour	2663	AZE	13400924	4,5	6	4,26	0,24	2	2504	2697
7	GM	Fressinet Laurent	2640	FRA	608742	3,5	4	3,12	0,38	4	2420	2756
8	GM	Nataf Igor-Alexandre	2565	FRA	605492	0,5	1	0,43	0,07	1	2613

Að mati þess sem þetta skrifar er afar mikilvægt að Hellir haldi sínu striki og sendi áfram sveit á þetta skemmtilega mót. Strákarnir stóðu sig vel fyrir sínu, sérstaklega Bjössi og Daði. Þarna fá menn tækifæri til að kljást við bestu skákmenn heims eins og t.d. Shirov og Short.

Ég tel reyndar í ljósi reynslunnar nú, þar sem Daði fékk of stigalágan andstæðing í lokaumferðinn og í fyrra þar sem Sigurbjörn mætti ekki nógu mörgum titilhöfum að Helli þurfi að helst að hafa varamann með í för til að geta ýtt mönnum ofar í borðaröð í tilfellum sem þessum sem hefði komið sér vel bæði nú og í fyrra.

Ég vil þakka sveitarmeðlimum fyrir skemmtilega pistla og góða frammistöðu!

Formaðurinn