Skák í Hrútafirði

Á laugardaginn var keppt í hraðskák. Fyrirkomulagið var svipað og í hraðskákkeppni taflfélaga, nema að hverju liði var skipt í tvo hluta sem kepptu við sömu borð í liði andstæðinganna. Tekið var eitt langt hlé á milli viðureigna sem þátttakendur notuðu til að fara í fótbolta eða sund og svar borðaður góður kvöldmatur áður en síðustu viðureignir fóru fram. Taflfélag Reykjavíkur sigraði örugglega í hraðskák hlutanum og Taflfélagið Hellir varð í öðru sæti. Þar munað mest um góða byrjun og mjög hagstæð úrslit í síðustu umferð í innbyrðis viðureignum félaganna.

Á sunndaginn var keppt í atskák. Fyrirkomulagið var svipað og í bikarkeppni taflfélaga og Íslandsmóti yngri sveita nema að í stað þess að það væri tvöföld umferð þannig að sömu menn tefldu saman þá var í víxlað borðum í annarri umferðinni þannig að 1. og 2. borð tefldu saman o.s.frv. Eins og daginn áður var tekið langt hlé sem notað var til að fara í sund, spila borðtennis og borða hádegismat. Eins og daginn áður sigraði TR örugglega í atskákinn þótt þeir hefðu tapað fyrstu viðureign gegn SA en nú náðu Akureyringar öðru sætinu sjónmun á undan Hellisbúum. TR sigraði svo örugglega í heildarstigakeppninni en Hellir varð í öðru sæti og Akureyringar í því þriðja. Fjölnir lenti svo í fjórða sæti en þeir munu eflaust bæta sig á næstu árum enda með marga unga og efnilega skákmenn.

Lokastaðan í hraðskákinni:

1. TR 93v

2. Hellis 80v

3. SA 69v

4. Fjölnir 58v

Lokastaða í atskákinni:

1. TR 40v

2. SA 32v

3. Hellir 30v

4. Fjölnir 22v

Lokastaðan í samanlögðu:

1. TR 120 stig

2. Hellir 96 stig

3. SA 90 stig

4. Fjölnir 66 stig

Fljótlega er von á upplýsingum um einstaklingsárangur.