A- oc C-sveitir Hellis í 2. sæti

A-sveitin er í 2. sæti með 24,5 vinning í Flugfélagsdeildinni, er fjórum vinningum á eftir a-sveit TR.   Frammistað a-liðsins gegn TV vakti mikla athygli en Vestmanneyingar voru örugglega lagðir að velli, 5,5-2,5 þrátt fyrir mikin her erlendra stórmeistara.

B-sveitin er í 6. sæti í 1. deild með 10,5 vinning, hálfum vinningi á eftir b-sveit TR en þessi lið berjast væntanlega um sigurinn í "b-keppninni".   B-sveitin er alls ekki laus úr fallbaráttu en nú falla tvö lið og keppir við b-sveitir TR og SA auk TG um hvaða tvö lið af þessum fjórum sleppa við fall í ár.

C-sveit Hellis er í ágætis málum í 3. deild er í 2. sæti með 16 vinninga, hálfum vinningi á eftir b-sveit TG.  Sveitin á eftir léttasta prógrammið af þeim félögum sem berjast um sæti í 2. deild að ári. 

E-sveit (unglingasveit) er í 14. sæti í 4. deild með 12 vinninga.  D-sveitin er í 20. sæti með 9 vinninga og F-sveitin (unglingasveit) er í 23. sæti með 8 vinninga.   Frammistaða þessara sveita er í samræmi við væntingar.

Síðari hlutinn fer fram í 4. og 5. mars og að sjálfsögðu stefnum við Hellismenn á góða hluti þá þótt Íslandsmeistaratitillinn sé líkast til fallinn okkur úr greipum þetta árið.