Íslandsmótið í netskák fer fram í kvöld

Skráning fer fram á Sjónarhorninu. Þeir sem hafa tekið þátt í Bikarsyrpu Eddu útgáfu fyrr í ár þurfa ekki að skrá sig sérstaklega til leiks fyrir Íslandsmótið heldur er nægjanlegt að mæta á ICC fyrir 19:55.

Þeir sem ekki eru skráðir á ICC geta skráð sig á vef ICC en skráningunni en ekki þarf að greiða fyrir fyrstu vikuna. Að því loknu þarf að skrá sig á Sjónarhorninu sbr. leiðbeiningar hér að ofan og að ná í hugbúnað til að tefla með.

Allt skráningarferlið er sjálfkrafa og eina sem þátttakendur þurfa að hafa í huga er að vera mættur tímanlega á ICC eða eigi síðar en 19:55.

Mótið er jafnframt lokamót Bikarsyrpu Eddu útgáfu og telja vinningar á því tvöfalt þannig að mikið er í húfi fyrir þá sem þar berjast um hin ýmsu verðlaun. Þorsteinn Þorsteinsson er efstur í syrpunni en Davíð Kjartansson og Magnús Örn Úlfarsson fylgja honum fast á eftir. Hrannar er efstur í flokki skákmenna með minna en 2100 skákstig, Tómas Veigar Sigurðarson í flokki skákmanna með minna en 1800 skákstig, Gunnar Gunnarsson í flokka stigalausra, Ingvar Ásmundsson í öldungaflokki, Lenka Ptácníková í kvennaflokki og Ingvar Ásbjörnsson í unglingaflokki.

 

Staðan í syrpunni

Þess má geta að Íslandsmótið í netskák er elsta landsmót í netskák í gervöllum heiminum en fyrsta Íslandsmótið fór fram 1996.

Tímamörk eru 4 2 (4 mínútur + 2 sekúndur á leik) og tefldar eru 9 umferðir.

Verðlaun í syrpunni og á Íslandsmótinu eru, eins og áður sagði, afar vegleg og fjölbreytt, og eru sem hér segir:

Verðlaun:

Íslandsmótið í netskák 2004 - hápunktur Bikarsyrpu Eddu útgáfu:

Landsliðsflokkur:
1. Bókaúttekt frá Eddu útgáfu að verðmæti kr. 30.000
2. Bókaúttekt frá Eddu útgáfu að verðmæti kr. 15.000
3. Bókaúttekt frá Eddu útgáfu að verðmæti kr. 5.000

Undir 1800 skákstigum (m.v. nýjustu íslensk skákstig):
1. Bókaúttekt frá Eddu útgáfu að verðmæti kr. 5.000
2. Þrír frímánuðir á ICC

Stigalausir:
1. Bókaúttekt frá Eddu útgáfu að verðmæti kr. 5.000
2. Þrír frímánuðir á ICC

Unglingaverðlaun (fædd 1988 og síðar):
1. Bókaúttekt frá Eddu útgáfu að verðmæti kr. 5.000
2. Þrír frímánuðir á ICC

Kvennaverðlaun:
1. Bókaúttekt frá Eddu útgáfu að verðmæti kr. 5.000
2. Þrír frímánuðir á ICC

Öldungaverðlaun (60 ára og eldri):
1. Bókaúttekt frá Eddu útgáfu að verðmæti kr. 5.000
2. Þrír frímánuðir á ICC

Nánar á vef syrpunnar á heimasíðu Hellis