Barna og unglingastarf með TK

Ókeypis er á skákæfingarnar.

Tefldar verða 5-7 skákir á hverri æfingu. Keppt verður samkvæmt Monrad fyrirkomulagi, þannig að þeir sem eru álíka að getu keppa oftar saman en aðrir. Einnig munu keppendur fá nokkra leiðsögn en aðaláherslan verður þó á að tefla samanber máltækið að æfingin skapi meistarann!

Æfingarnar eru ætlaðar bæði fyrir þá sem hafa æft í nokkurn tíma og einnig þá sem eru nýlega búnir að læra að tefla. Það er gert ráð fyrir að allir þátttakendur kunni mannganginn. Mikil áhersla verður lögð á að allir hafi ánægju af.

Einnig verða haldin mót eins og t.a.m. Unglingameistaramót Kópavogs. Verður það auglýst síðar.

Næstu æfingar eru:

Miðvikudaginn 12. janúar kl. 17:15-19 (í tilefni af fyrstu æfingunni er boðið upp á pizzur)

Miðvikudaginn 19. janúar kl. 17:15-19

... og svo alla miðvikudaga

Keppt er í húsakynnum Taflfélags Kópavogs, Hamraborg 5, 3. hæð

                                                                                                                      

Þessar æfingar eru viðbót við þær æfingar sem Taflfélagið Hellir stendur að á mánudögum kl. 17:15 í Álfabakka, Mjódd. Þannig geta áhugasamir mætt 2 á viku á æfingu, uppí Álfabakka á Mánudögum og í Hamraborgina á miðvikudögum.