Páskaeggjamót Hellis 2005

Tefldar verða 7 umferðir með 7 mínútna umhugsunartíma. Mótið er opið öllum 15 ára og yngri. Ókeypis er fyrir félagsmenn í Helli en fyrir aðra er þátttökugjald kr. 500. Allir þátttakendur keppa í einum flokki en verðlaun verða veitt í tveimur aðskildum flokkum. Páskaegg frá Nóa og Síríus verða í verðlaun fyrir þrjú efstu sætin, bæði í eldri flokki (fæddir 1989 – 1991) og yngri flokki (fæddir 1992 og síðar). Að auki verða tvö páskaegg dregin út og efsta stúlkan í mótinu fær páskaegg í verðlaun. Enginn fær þó fleiri en eitt páskaegg.

Páskaeggjamótið verður haldið í félagsheimili Hellis að Álfabakka 14a í Mjóddinni. Inngangur er við hliðina á Sparisjóði Reykjavíkur en salur félagsins er á þriðju hæð hússins.