Reglur Bikarsyrpu Eddu og Hellis

Taflfélagið Hellir og Edda útgafa standa sameiginlega af Bikarsyrpu Eddu útgáfu og Íslandsmótsins í netskák árið 2005 en Íslandsmótið er loka- og hápunktur mótsins.   Samin hefur verið reglugerð vegna syrpunnar sem vonandi nær yfir flest álitamál.
Almennar reglur
1.      Bikarsyrpa Eddu útgáfu fer fram á tímabilinu 15. maí - 21. nóvember 2004.

2.      Mótin er tíu og eru dagsetningar á þeim sem hér segir:

·         15. maí

·         5. júní

·         26. júní

·         17. júlí

·         7. ágúst

·         28. ágúst

·         18. september

·         9. október

·         30. nóvember

·         20. nóvember (Íslandsmótið)

1. Mótshaldar geta breytt dagsetningum t.d. vegna móta innanlands, erlendis eða á ICC.   Tilkynna þarf slíkar breytingar með a.m.k. vikufyrirvara.  Þó er mögulegt fyrir skákstjóra að fresta móti sé internetsamband niðri eða mjög slæmt.
   

4.      Taflfélagið Hellir skipar sérstakan skákstjóra fyrir hvert mót.   Skákstjórinn fer með fullt skákstjórnarvald í mótunum en getur notið aðstoðar fulltrúa ICC.

5.      Tímamörkin er 4 2 (fjórar mínútur á skák + 2 sekúndur á leik).   Tefldar eru níu umferðir í öllum mótum.   Skákstjóri getur stytt tímann og umferðarfjölda telji hann þörf á slíku t.d. vegna slæms sambands (lag) á ICC.   

6.      Hægt er að vísa úrskurðum skákstjóra til mótsstjórnar Bikarsyrpu Eddu útgáfu.   Mótsstjórn skipa:  Helgi Áss Grétarsson, formaður, Halldór Grétar Einarsson og Kristján Eðvarðsson.   Til vara:  Daði Örn Jónsson og Hrannar Baldursson.  Mótsstjórn hefur endanlegt úrskurðarvald og úrskurðum hennar verður ekki áfrýjað.  Mótsstjórn getur leitað aðstoðar til utanaðkomandi aðila kjósi hún svo.   

7.      Úrskurðir skákstjóra verða að leggja fyrir innan klukkutíma frá því kvörtun berst.   Hægt er að áfrýja úrskurðum skákstjóra til mótsstjórnar en slíkt verður að gerast innan 24 klst. frá úrskurði skákstjóra.   Rökstuddur úrskurður mótsstjórnar verða að liggja fyrir innan 48 klst. eftir að áfrýjun berst.

8.      Með öllu óheimilt er að nota skákforrit sér til haldar.  Skákstjóri/mótsstjórn leggur mat á slíkt með aðstoð frá ICC.   Telji mótsstjórn að skákmaður hafi notað skákforrits getur hún dæmt viðkomandi skákmann í bann frá netmótahaldi Hellis í allt að 5 ár.

9.      Með öllu óheimilt er að þiggja hjálp frá öðrum.   Telji mótsstjórn slíkt sannað getur hún dæmt viðkomandi skákmanni í bann frá netmótahaldi Hellis í allt að 5 ár.

10.  Allar almennar reglur ICC gilda.   Séu t.d. skákmenn á “disconnected-list” hjá ICC og missa samband tapast skákirnar.  Einnig er bannað að tefla undir nafni annarra sbr. reglur ICC.  Allar skákir eru reiknaðar til stiga á ICC. Eingöngu er hægt að nota Blitzin-hugbúnaðinn (ekki eldri en útgáfu 2,27).  Þetta ákvæði er sett til að torvelda svindl.  Eingöngu þeir sem nota Macintosh geta fengið undanþágu frá þessu ákvæði með því að hafa samband við Kiebitz eða fulltrúa mótshaldara fyrir mót.

11.  Mótið er opið fyrir alla íslenska skákmenn, hvort sem þeir eru búsettir hérlendis eða erlendis og einstaklinga sem hafa haft lögheimili í a.m.k. 3 síðustu ár á Íslandi.  

Bikarsyrpa Eddu útgáfu

12.  Verðlaun í Bikarsyrpu Eddu eru veit þeirra sem flest stig hafa skv. 13. grein.  Verðlaun eru sem hér segir:

Heildarverðlaunin:
1. Bókaúttekt frá Eddu útgáfu að verðmæti kr. 25.000
2. Bókaúttekt frá Eddu útgáfu að verðmæti kr. 15.000
3. Bókaúttekt frá Eddu útgáfu að verðmæti kr. 5.000

Undir 2100 skákstigum:
1. Bókaúttekt frá Eddu útgáfu að verðmæti kr. 5.000
2. Þrír frímánuðir á ICC

Undir 1800 skákstigum:
1. Bókaúttekt frá Eddu útgáfu að verðmæti kr. 5.000
2. Þrír frímánuðir á ICC

Stigalausir:
1. Bókaúttekt frá Eddu útgáfu að verðmæti kr. 5.000
2. Þrír frímánuðir á CC

Unglingaverðlaun (fædd 1988 og síðar):
1. Bókaúttekt frá Eddu útgáfu að verðmæti kr. 5.000
2. Þrír frímánuðir á ICC

Kvennaverðlaun:
1. Bókaúttekt frá Eddu útgáfu að verðmæti kr. 5.000
2. Þrír frímánuðir á ICC

Öldungaverðlaun:
1. Bókaúttekt frá Eddu útgáfu að verðmæti kr. 5.000
2. Þrír frímánuðir á ICC

1. Hægt er að vinna til fleira verðlauna en einna.   Birtist menn ekki á skákstigalistanum en hafa engu að síður stig (óvirkir) gilda hin óvirku stig. 
   

14.  Fyrir hvern vinning er gefið eitt stig.   Í Íslandsmótinu telja þó vinningarnir tvöfalt.   Sjö bestu mótin af tíu gilda.  Séu tveir skákmenn eða fleiri með jafnmörg stig, vinnur sé sem flest stig fékk á einu móti og svo kolli af kolli þar til niðurstaða er fengin.   Séu enn tveir eða fleiri jafnir skal dregið til að fá sigurvegara.

Íslandsmótið í netskák – hápunktur Bikarsyrpu Eddu útgáfu

15.  Verðlaun fyrir Íslandsmótið í netskák verða kynnt síðar en þau verða í svipuðum dúr og verðlaun Bikarsyrpunnar.   

1. Þrír Íslandsmeistaratitlar eru í boði:   Íslandsmeistari (allir), undir 1800 skákstigum og stigalausir.  Hægt er að finna til fleiri verðlaun en einna.   Birtist menn ekki á skákstigalistanum en hafa engu að síður stig (óvirkir) gilda hin óvirku stig. 
   

17.  Séu menn efstir og jafnir og Íslandsmeistaratitill í húfi skal teflt um titilinn.   Fyrst eru tefldar tvær skákir með tímamörkunum 4 2.   Sé enn jafnt verður tefldur bráðabani þar til sigurvegari fæst.

18.  Um önnur verðlaun gilda stigaútreikningar ICC.   Upplýsingar um þá má nálgast á ICC með því að slá inn:  “tell tomato help tie” en þar er um að ræða aðlagað Bucholz-kerfi.

19.  Reglur þessa túlkar mótsstjórn Bikarsyrpu Eddu útgáfu.