Jóhanna Björg sigraði á stelpumóti Olís og Hellis

Aðrar verðlaunahafar í hverjum aldursflokki voru Hallgerður Þorsteinsdóttir (89-92), Gyða Katrín Guðnadóttir (93-94) og Hulda Hrund Björnsdóttir (95 og síðar).   Hallgerður Finnsdóttir fékk sérstök verðlaun sem yngsti keppandinn en hún er aðeins 7 ára. Hallgerður og vinkona hennar Auður Pálmadóttir voru að tefla á sínu fyrsta skákmóti í dag og var þeim sérstaklega klappað lof í lófa, en þær höfðu farið í allra fyrsta skáktímann sinn í gær hjá Guðfríði Lilju og voru því að keppa við mun reyndari skákmenn í mótinu. Allir keppendur voru leystir út með verðlaunum.  Stelpurnar í 1.-3. sæti fengu að gjöf frá Olís veglegar úttektir í Kringlunni og bakpoka.  Aðrir keppendur gátu valið sér gjafir sem gefnar voru af Zonet og Bókabúð Máls & Menningar í Síðumúla. 

Að lokinni verðlaunaafhendingu fór fram happdrætti og í vinning voru tvær Kasparov-skáktölvur gefnar af Bókabúð Máls & Menningar.  Það voru þær Hulda Hrund og Sigríður Björg sem hlutu þær og geta nú æft sig nú enn frekar fyrir næsta mót!

23 stúlkur tóku þátt á öllum aldri.  Margir foreldrar og aðrir áhugasamir lögðu leið sína í Olís og fylgdust með stelpunum að tafli. 

Lokastaðan var sem hér segir:

1. Jóhanna Björg Jóhannsdóttir 5,5 v. af 6
2. Elsa María Þorfinnsdóttir 5 v.
3. Sigríður Björg Helgasdóttir 4,5 v.
4. Hallgerður Helga Þorsteinsdóttir 4,5 v.
5.-7. Júlía Rós Hafþórsdóttir, Gyða Katrín Guðnadóttir, Hulda Hrund Björnsdóttir 4 v.
8.-9. Brynja Vignisdóttir og Megan Auður Grímsdóttir 3,5 v.
10.-15. Birta Marlen Lamm, Júlía Guðmundsdóttir, Sigurlaug Jóhanndóttir, Hrund Hauksdóttir, Fanney Björk Ólafsdóttir, Elísabet Ragnarsdóttir 3 v.
16. Stefanía Bergljót Stefánsdóttir 2,5 v.
17.-21. Heiðrún Helga Ólafsdóttir, Hallgerður Finnsdóttir, Anna Guðný Elvarsdóttir, Kristín Haraldsdóttir og Guðrún Brjánsdóttir 2 v.
22.-23. Auður Pálmadóttir og Melkorka Rós Grímsdóttir 1 v.

Í drottningarflokknum var einnig hart barist.  Þar hafði Guðlaug Þorsteinsdóttir sigur, vann allar skákirnar.   Í 2. sæti varð Guðfríður Lilja Grétarsdóttir og í 3. sæti varð Áslaug Kristinsdóttir.  Lenka Ptácníková og Sigurlaug R. Friðþjófsdóttir urðu í 4.-5. sæti.  Þær fengu allar veglega bókargjafir frá Olís og bol með merki Hellis fyrir þátttökuna!

Skákstjórar voru Gunnar Björnsson og Vigfús Ó. Vigfússon.