Hellir á EM taflfélaga 18.-24. september

Hellir hefur ávallt tekið þátt í Evrópukeppninni frá og með 1997 að árinu 2000 undanskyldu.  Oftsinnis hefur gengið vel og skemmst frá því að minnast að árið 2001 hafnaði félagið í 10. sæti og var þá efst liða frá Vestur-Evrópu, aðeins austantjaldsslið og lið frá Ísrael voru ofar.  Árið 1997 kemst Hellir í úrslitakeppni átta liða

Á Evrópumótinu í fyrra krækti Björn Þorfinnsson sér í sinn annan áfanga að alþjóðlegum meistaratitli og sjálfsagt ætlar hann og aðrir liðsmenn að krækja sér í áfanga nú.

Lið Hellis skipa:

1. SM Hannes Hlífar Stefánsson (2579)
2. FM Sigurbjörn Björnsson (2346)
3. FM Björn Þorfinnsson (2328)
4. FM Sigurður Daði Sigfússon (2344)
5. FM Ingvar Þór Jóhannesson (2291)
6. FM Andri Grétarsson (2318)
   Varamaður: Gunnar Björnsson (2131)
   

Hannes þarf ekki að kynna fyrir neinum, er einn sigursælasti skákmaður íslenskra skáksögu, Sigurbjörn náði eftirtektarverðum árangri á Politiken Cup í Kaupmannahöfn þar sem hann var meðal efstu manna, Björn Þorfinnsson hefur náð tveimur áföngum að alþjóðlegum meistaratitli, Sigurður Daði er núverandi skákmeistari Hellis og Ingvar Þór er með einn áfanga að alþjóðlegum meistaratitli.  Andri er reynsluboltinn í liðinu og mun sjálfsagt stjórna því eins og herforingi á staðnum.  Gunnar er varamaður og verður varla notaður nema í neyð enda kemur hann ekki á staðinn fyrr en tvær umferðir eru eftir.